#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 190
داخل غرفة الفحص ناعسة وصال على ظهرها و بهية واقفة على راسها ، كتشوف في الشاشة جنينها لي في الشهر الثامن هذا اخر فحص ليها و منها تعرف امتى غدي تولد
_ اية : (يديها خدامين و عينها في الشاشة ) هاهي البخانسيسة قربات تجي ، ما بقى والو
_ وصال : ( حتى كتشوف معاها و تبتاسم ببريق في عينيها ) غير تجي و الله الى تعذبت في هذ الحمل
_ اية : صافي ما بقى والو ان شاء الله لول ديال شهر 1 غدي تشرفنا
مدات ليها منديل باش تمسح كرشها من الجيل ، عوناتها بهية حتى وقفات و قدات ليها حوايجها ، مع الحمل ما بقات قدات دير والو ، حتى مصعب لي كيعاونها مكينش مسافر على حساب واحد الندوة الطبيبة
جالسين في البيرو كيتناقشو في موعد الولادة و الوقت و لي خاصها دير ، سلاو الهضرة مغادرين المكتب على امل اللقاء يوم الولادة
راكبين في اللوطو متاجهين ل صبيطار محمد السادس تطمأن على الغريب لي نقداته .... لكن ضنهم خاب فاش لقاوه خرج من الصبيطار ، سولات على حالته الصحية عرفات انه معندوش شي حاجة غير هرس و صافي .....
مدد على سريره كيتسنط لعضامه حتى سمع التيلي كيصوني هزو حتى كيلقاها ، تردد باش يجاوب لكن ميقدرش يخليها معلقة ....
_ يعقوب : (بصوت مدعدع و بحة خشنة) ا الوليدة
_ كتهضر بخوف و توتر : يعقوب اولدي ياك لباس اش وقع ليك
_ يعقوب : ( غمض عينيه مكره و كيتحلف في خاطره على عبدو لي وصل ليها الخبار ) والو ما كين والو غير هناي عليا و رتاحي
_ ما كينة راحة اوليدي و نت مهرس و شكون يقابلك بغيت نقول ليك جي و لكن مغديش تبغي ، واش نصيفت ليك بسمة تبقى معاك على ما تبرى ؟؟
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 191
بما انه بهية اليوم ما غديش تمشي المكتب و حتى المحكمة قررات تخرج هي و وصال و يديو معاهم سند و وتين يبدلو الجو ، داكشي لي كان دازو عليهم للمدرسة حيت كيقراو في نفس المؤسسة الاختلاف هو المستوى ، وتين سابقة سند بعام
جالسين في احد الطبالي لي متواجدة في البارك و الدراري قدامهم كيلعبو ، غايصين في الهضرة مجمعين بيناتهم ....
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
