#الشرف#
⚪دماء شرفي⚪
Soukaina soulaika
البارت 166
حتى حد ما عجبو الحال من هضرتها ل بهية ، وصال و كوثر خنزرت فيها ، يالله بغات تجاوبها كوثر حتى شدات ليها بهية في يديها حابساها ، عمران تزير و مرضاش تقول ديك الهضرة جرها من يديها مورك عليها حتى قسحها ، خرج من البيت مخرجها معاه خلاو بهية كتنش على وجهها باش ما تبكيش و تبين قدام البنات لاكن هوما عاقو بيها ....
_ وصال : ششش صافي بهية ، واش تديها في هدي خليها تقول لي عجبها ، هي اصلا هكاك دايرة ما كتعرفش اش كتقول ..
_ بهية : نو هي قالت غير الحقيقة. ، و انا اصلا ما كانش خاصني نقول هكاك حيت اصلا ما غديش نعود نجرب ، لي مرزقهم ليا الله ها هوما عندي ...
_ كوثر : ناري ياختي الله يعطيني قلبك ، باز ليك كتصبري ليها و شحال من مرة كتغلط في حقك ، علاه مالك لي ما بغيتي تتزوجي ، باقي يجيك سيدو على مزويناتك اختي يتمناك شحااال من واحد
يالله بغات تجاوبها حتى كيتحل عليهم الباب و كدخل سعاد و مصطفى ، لي غير شافتهم و هي طلق الدموعها. تعنق فيهم و تشكي و تعاود اش داز عليها ، و هوما كيواسيوها و يطلبو منها السماحة حيت تخلاو عليها و ملي بغاتهم لثاني مرة في حياتها مكتلقاهمش جنبها ....
شويا حتى لحقات عليهم حليمة جايبة ليها الماكلة و باش تبدل حوايجها ، خرج مصطفى مخليهم يبدلو ليها ، تعاونو عليها حتى نقاوها و بدلو ليها مزيان كلات شويا و علاش قدات ، حتى كدخل عليهم الفرملية بالبنيات في بوسيط خاصة بالبيبي ، و معاها زوج طبيبات وحدة اية و الخرى طبيبة ديال الاطفال ،
شدات البنت الولة بين يديها و هي تحس بمشاعرها تخربقو حتى دمعو عينيها ضماتها لعندها كثر كتشم في ريحتها و تبكي ، كتهضر معاها كأنها كتفهمها
_ بهية : حبيبة ديالي ، هاني مامي وتين هاني مامي ، انا فرحانة بزاااف حيت عندي بنية بحالك هاني مامي حلي عويناتك امامي شوفي فيا
و سبحان الله غير قالتها ليها و هي تفتح فيها عزيناتها زرقين بحال ديال بهية ، شافتها كيف كدير ل عوينتاها و هي تخلط عليها البكية مع الضحكة
_ ههه شوفي شوفي ا ماما كتشوف فيا ، وتين شوفي ، ماما قربي ليا تالين حتى هي نشوفها ،
_ كوثر : ياختي على السميات ، زوينين انا بعدا حبيتهم
ضحكات ليها بهية ما مسلياش باش تجاوبها ، كتشوف في بنتها الثانية لي قرباتها ليها سعاد ، كون لقات تهزهم بزوج في دقة وحدة ، لكن ضحكتها تلاشات كي شافت بنتها زرقة لونها ماشي بحال ختها ، هزات راسها في الطبيبة كتسولها ...
_ ط. الاطفال : هادشي علاش جيت ا مدام ، فاش ولداتك اية لحضات ان البنية لونها مختالف على ختها ، جات قالتها ليا حيت شكات ان الأمر غير طبيعي ، و فعلا فاش تأكدنا عرفنا ان البنت تخنقات ، و السبب كيرجع المدة لي سكت فيها قلبك و طعطلو باش يخرجوها ، فالرئة ديالها تضررات
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
