#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 201
مع الحلة ديال الباب مع غوتها بشوفت كوثر لي غبرات عليهم هذ شهرين بسبب الخدمة لي جاتها خارج المغرب ، كوثر المتهورة الحمقة ديال العائلة لي عطياها غير الضحك ، هي كوثر ديال اليوم باااقي ضاربة الدنيا بركلة غير هي اليوم ولات مهندسة فلاحية ، حتى هي تعذبات باش توصل و تحقق حلمها ....
لاحت الفاليز من يديها و طارت عليها بتعنيقة كتغوت حتى هي فرحانة بشوفتها ، لي في الكوزينة خرجو منها كيجريو مخلوعين من الغوات ، حتى كيلقاوهوم معانقين و كيغوتو ، ضحكو على منظرخم ، تسلم على هدي و ترجع لهدي كلهم دازت عليهم و شحال توحشاتهم ....
جالسين معاها في الصالون مجموعين و هي كتعاود ليهم على هذ الشهرين كيف دازت .... ، مكانش بزاف ديال الوقت حتى لحقات عليهم وصال و سند بقى غير عمران و مهدي لي متعطلوش حتى هوما و دخلو من بعد صلاة الظهر ....
مجمعين على قسرية ديال سكسو باللبن ، ما كين غير قولها و ضحك عليها منشطين بعضياتهم و فرحانين ببنتهم لي تجمعات معاهم ، جات على غفلة و كانت احسن مفاجأة ....
الصينية ديال اتاي محطوطة حداهم ، ضروري منها بعد الغدا باش يشدو الجموع ..... حتى وصلات بيهم الهضرة على الزواج ، و أكيد غدي يدخلو بهية و عمران في الخط .....
_ حليمة : تبارك الله گاع الوليدات تزوجو ولدو حتى لهدو لي عندنا و حبس السعد ....
زفرات بصوت قوي حتى ردو ليها البال ، و الباين انها ما حملاش هذ الموضوع يجبدوه ليها ..... ، اما عمران گاعما مسوق ليهم لي بغى يهضر سوقو هذاك ، مكتفي غير بالمراقبة في صمت .... يالله جمعات الوقفة تنوض حتى كتوقفها سعاد ....
_ سعاد : علاش فينما تجبد ليك الزواج تهربي و ما يعجبك حال !!؟ ، شحال من واحد خطبك و ما بغيتي !!؟، حتى لامتى غدي تبقاي هكا!!؟ ، واش غير نتي اللولة ولا اللخرة لي تعدبات في زواجها اول !! ، غير نتي لي مات ليك الراجل !! ، غير نتي لي ترملتي ببنت !!.... الوقت بغات راااجل في جنبك يوقف معاك و في ظهرك يحميك من الدياب ، حنا مديمينش ليك ابنيتي ، بغيتي تقولي الراجل هو عمران ، عمران اليوم ولا غدا يبني حياته غدي يبقى غير مقابلك .... !؟ ، يزوج و يطلق على قبلك ، الناس كتبني حياتها ابنتي ماشي كتريبها و لي تبعك غدي يريب حياته و يبقى بلا مستقبل .....
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 202
الدفلة الى خرجات من الفم مكترجعش ليه ....!!، و الكاس الى تهرس مكيتصلحش ....!، و حتى الكلام الى زلق ما يمكنش يرجع ....! ، بعض الاحيان فاش كنشوفو أقرب الناس لينا كيغلطو في نفسهم مرارا و تكرارا كنبغيو ننبههم ! ، لكن داك التنبيه ما دار وااالو !! ، اليوم على غدا و نت كتكرر نفس الهضرة على مصلاحته و هو ولا على بالو ... ، علاااش ؟؟ ، حيت لقى راحته فلي هو كيدير لكن حناااا مفهمناهش و بغينا ليه غير الخير لمصلاحته ...!! ، حيت داكشي لي هو لااااقي فيه رااااحته ممسلكوش مع الوقت ، حتى كتصدق مخرج من فمك كلام العيب بلاما تصدق و تضر داك الشخص لي نت هزيتي همو و نصحتيه!! .....،
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
