#الشرف#
⚪دماء شرفي⚪
Soukaina soulaika
البارت 136
الراحة لي ولات كتحس بيها مؤخرا كتحمد الله عليها و تشكرو ،ناضت من بلاصتها في اتجاه الدوش تصلي الصبح ، من بين الحوايج الزوينة لي ولات فيها هي الصلاة دومات عليها ، بدون انقطاع ، لكن مع النعاس لي مكتقدرش تنوض منه كيمشي عليها وقت الفجر ،
نازلة عندهم لتحت تفطر كيف العادة ، كلشي مجموع الفياق بكري شي حاجة ضرورية عندهم ، رجعات لاناقتها و لبسها و اشراقتها ، حتى انها فاش عرفات بموت ايوب متانعات انها تلبس عليه البيض او تشد عليه حق الله كيف الارامل ، نهار قالتها ليها حليمة ، جدبات و حلفات ما تلبسو ، هي ممعتبراش انه هذاك راجلها و كانت مزوجة بيه كتحاول تنسى و تحيد من حياتها اي حاجة تفكرها بيه ، حتى الأجنة كتعتابر راسها هي الام و هي الاب يعني ولادها بوحدها ، و ايوب ما عنده حتى علاقة بيهم .....
صبحات عليهم كاملين ، تحدرات على باباها لي جالس في كرسيه باست ليه راسه و يديه ، كتحس بعض المرات انها هي السبب في حالته ....
جلسات بلاصتها كتفطر معاهم في صمت كلشي كيهضر و يناقش حتى قالت وصال انه غدي يدوزو على زينب في طريقهم باش يمشي لصالون العناية ، خاصهم يوجدو رأسهم للعرس ، و هي تتفكر تصرفات زينب معاها ، بعد المرات حتى كتشك انها كتغير منها او ما مكتحملهاش ، ساست كل ما كتفكر فيه ، ما بغاتش تشك فيها او تسيئ بيها الظن
راكبين كلهم في اللوطو ديال وصال ، في طريق الصالون لي واخدين فيه موعد ، جالسة بهية حدى وصال القدام و زينب و كوثر اللور ، حتى هضرات زينب ....
_ زينب : ايوا ا بهية شنو بغيتي ديري ،
ستغربات حيت سولاتها ، مموالفاش تهضر معاها ، جوباتها برحابة صدر باغية تخلق معاها حوار باش يحيدو داك الحاجز لي بيناتهم ، و من الاحسن يولفو بعضياتهم بلا حساسيات ....
_ بهية : في الصارحة باقي معرفتش ، لاسيغ مهنية منها حيت دايرة ليزر ، نقدر نبدل لون شعري و لا نقطعو ، عشقت نبدل اللوك ديالي كله ، عندي بزاف ديال الافكار مي باقي مزاگية في حتى حاجة ، نوصل و نشوف ، الافكار مرونين في الحقيقة
ميقات ليها بحركة مفروشة حتى كلشي رد ليها البال ، لكن ميكو ، باش ما يعيقوش قدام بهية و تحس بتصرفات زينب لي كلهم ردو ليهم البال ...
_ زينب : امم مزيان ....
#الشرف#
⚪دماء شرفي⚪
Soukaina soulaika
البارت 137
بعد ما سلاو العناية براسهم ، كل وحدة و اش دارت حتى ولاو كيضربو على الشعى ، ما خلاو ما دارو ، حتى المساج دازو عليه يريحو عضامهم ، بهية رشقات ليها على شعرها تنقص منه شويا ، و كانت غدي تصبغو حتى منعاتها وصال على حساب الحمل ، حيت الصباغة تقدر تشوه الجنين .....
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
