#الشرف#
⚪دماء شرفي⚪
Soukaina soulaika
البارت 85
كتشوف فيه وسط العافية كيتحرق و هو حي كتحس بالالم لي هو متعرض ليه كأنها هي لي كتحرق و فاش كيغوت بحالا هي لي كتغوت ، كتشوف دموعو نازلين و حتى دموعها هي ، مقدراتش تحبس داك الشعور الألم سيطر على كامل جسمها و جسمه رغم انه بعيدة عليه كتشوفه فقط لكن باش هو كيحس معاه حتى هي كتحس ، كيهضر معاها هي لكن الصوت خارج من فمها ماشي فمه هو فقط لي كيحرك شفايفه مقدرتش تستحمل وقع كليماته لي الموها داخليا ، الم جسدي و الم نفسي داخلي ، روحها و روحه كتشوفها قريبة طلع ل سماء.....
_ ما غديش تفرحي بيها ، غدي تشوفيها قدامك كتتعذب و ما تقدري ديري وااااالو ، غدي تجربي العجز و نتي كتشوفي اقرب الناس ليك كيمشيو و خليوك ، ما غديش نخليها ليك بغيت نديها و غانديها ، و ماعندك ما ديري في ابتسامتها حزن ليك ، و في بكاها قلق ليك هي غدي تمشي و انا لي غدي نديها عنداك تنساي واخا تحضيها مني ما تفلتيها......
فاقت قافزة كتقلب في راسها ، داتها كاملة عرقانة بصهد العافية ، داك الألم باقي كنحس بيه ، قلبها كيضرها بحالا شادة شي آلة حادة كتخشيه فيها ، فمها باقي كيردد نفس الكلام لي بيه حلمات بدون شعور منها دموعها سقاو خدودها ، كتحرك راسها بنفي
غي حسات براسها بلي باقي فمها كينطق كلامه سكتات كتستغفر الله حاولات تقوي راسها و تبته هزات يديها لي عليها كيترعدو ل خدودها لي فزكو كتمسح و تتنهد باش تحبس الشهقات لي منها كيطلعو ، كتشجع راسها و تقول بلي هدشي غير من الشيطان حيت نعسات بلاما تصلي العشاء ، حيدات من عليها الغطاء في ا تجاه الحمام لي في الخارج ، يالله و صلات للباب حتى تفكرات انها لابسة القصير و دابا الدار فيها الراجل عيب تخرج هاكا ، رجعات حتى لاحت عليها بينوار ،
ساجدة تطلب العالي يفرج همها و يديها ل طريق الصحيحة .... سلات الصلاة و لكفوفها هازة كتفرع لي بقلبها على الله كتشكي ....
_ ياربي راك عالي و عالم ، سمح ليا و غفر ليا ، ياربي اتيني بلي فيه الخير ليا ، و كل ما جرا ليا الى كان فيه الخير انا حامداك و شاكراك و على ابتلائك صابرة ، ياربي دير ليا شي مخرج ديال الخير ، عاوني ووقف معايا و من صبر سيدنا ايوب رزقني ، ياربي كي هاد الناس فيا حنو انا بغيت ليهم غير لي تفرح و عمرهم يشوفو نهار الكحل و بعد الشر على بناتهم ياربي استغفر الله العظيم و اتوب اليه......
#الشرف#
⚪دماء شرفي⚪
Soukaina soulaika
البارت 86
جالسين على الطبلة ديال الفطور ، باستثناء بهية ، لي من النهار تحرجات مع عمران ما باقي بانت ليهم ، كتخرج تتسلت كي الشفار و ترجع كي الشفار ، كلهم ردو ليها البال و خلاوها على خاطرها حتى تتأقلم مع الوضع عاد تهبط على راحتها ،
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
