#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 222
دخلات النافسة بالصلاة و السلام على رسول الله ، كتخطوي بشويا عليها ، هازة بيديها جلايل القفطان ، باقي مضعضعة مع الولادة ، كتحرك غير بشويا ، جلسات وسط الصالون و بجانبها بهية و كوثر ، بدات تتبسم مع لي يتبسم ليها ...
عندهم كلشي بالعبار و قبل ما ديري شي حركة خاصك حتى درسيها مزيان ، و حتى هي داكشي لي دارت تقلات في حركاتها و تصرفاتها ، جالسة وسط منهم و عقلها مع بنتها لا تبكي و لا تفيق .... الصالون كيتسمع منه غير الضحك ديال العيالات و هضرتهم ، و ضروري من شوية ديال النميمة و تبرگيك ، مكانش بزاف ديال الوقت حتى دخلات سعاد لي كانت في الدار مقابلة وتين و سند حتى جا سي مصطفى و خلاتهم ليه عاد لحقات عليهم ...
بهية شافت معها و هي تنوض عندها ، غادية خطوة خطوة و شعرها مطلوق كيلعب معاها زعورتها و عويناتها لفتو الانتباه ، وقفات حدى مها كتسولها على وتين غير طمأنات عليها و هي تقلب أدراجها لفوق طل على فاطمة الزهرة لي كانت ناعسة ، قداتها في بلاصتها مزيان و خلاتها على راحتها ، في طريق رجوعها دازت من حدى لاعيشة لي تبعاتها بعينيها و سكناتها من راسها لرجليها حضاتها مزياااااان ، كيف كتتمشى و كيف كتتحرك و كيف كتشوف ، حتى وقفاتها مسولاها ....
_ لاعيشة : (بنضرات تاااقبة ) بلاتي ا بنتي الله يرضي عليك
وقفات تلبي النداء ، بتسمات في وجهها مبينة سنيناتها كتسنها تقول ليها اش بغات ...
_ لاعيشة : بغيتك ا بنتي تكلمي ليا لاحورية
_ بهية : ايه واخا ا خالتي مرحبا ، غير دخلي جلسي هاهوما غدي يحطو الغدا و نكلم ليك خالتي حورية ...
خلاتها واقفة في بلاصتها و مشات تعيط على حرية لي ديك الساعة جات غير شافت مرت الحاج علي لي بغاتها و هي تسرع في خطواتها حتى وصلات لعندها ، عرفات انهم بغاو يمشيو ، شدات فيهم حتى عيات والو حلفو يمشيو ، زرزرو النافسة و خرجو ضاربين للقاء ليوم السبوع ،
نجوي تصرفات مرت عمها ميدوزوش عليها ، و عرفاتها فاش كتفكر تبسمات بينها و بين راسها بإستهزاء و طمرات ما قالت لا طابت ولا تحرقات ، حسابها حاسباه في راسها ....
الغدا تحط و كلشي كلا طهلاو في الناس ، القصاري ديال التريد غير خارجين داخلين ، ستمر النشاط حتى لورى العصر عاد تفرق المجمع و كل واحد مشى الحال سبيله ....
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
