#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 250
داخلة شادة في حورية كدور في عينيها على الحضور ، الرقي و النخوى باينة على النسا لي جالسين ، الشعور و القفاطن غير يتشايرو ، وحدة تنسيك في الآخرة كلشي جالس متشوق يعرف شكون هي المرأة الرابعة للحاج علي ...
الابتسامة ممفرقاش شفايفها ، جلسات حدى حورية رجل على رجل و كتشوف بعويناتها ، حتى جاها سؤال لبالها و ضارت عند عند حورية تسولها ...
_ بهية : خالتي ، دابا هذ الناس لي جينا عندهم كانو جاو عند وصال ، اه قالتها ليا و قالت ليا بلي هذ الراجل لي بالله تزوج مزوج اصلا بزوج عيالات خرين ياك ..!؟
_ حورية : اه جاو في زيادة فاطمة الزهراء ، و رآه مزوج بتلاتة وحدة ميتة و زوج باقين و هدي هي الرابعة ، علاش كتسولي ..!؟
بهية : كنسول غير لمن نعطي الكادو ، دابا إلى جات عندنا شي وحدة في عيالاته اش نقول ليها ، مبروك زواج راجلك اويلي ا خالتي ما جاتش ، حشوما گاع ..
_ حورية : عار الله ابنيتي لما غير سكتي ، ما تقولي والو سلمي و سكتي حسن ويلي الشيطان على نقول ليها مبروك ما دار راجلك ايوا صفات ...
سكتات كتشوف بعينيها حتى كتوقف عليهم السعدية و عيشة كيسلمو على الناس حتى وصلو لطبلتهم ، سلمو عليهم و عينين عيشة ممحيدينش على بهية ، حتى نطاقات معورة ليها العين خلات حورية كتسرط في الريق بالفقصة ..
_ بهية : ( هازة الكادو بين يديها كتشوف فيهم ما عرفات لمن تعطيه ، واحد الكلاخ نزل عليها ملي شافت يعقوب و هي كدخل و تخرج في الهضرة ، بان ليها البلان في السعدية و مداته ليها ..) اححم هاكي اخالتي هذا الكادو ديال زواج راجلك ، ا بغيت نقول مبروك ما دار راجلكم الله يتاويهم لخير ياربي و يكمل عليهم و الله يصبركم ا بغيت نقول هادشي زوين اه ديكور ديكور زوين ...
فخضها لي من جيهة حورية طاب ليها بالقريص داكشي باش رونات الهضرة ، الكادو بقى في يديها و السعدية كتخنزر فيها أما عيشة كتموت بالضحك ، عاقت براسها اش دارت و هي تخرج ناضت من حداهم كتقلب على الطواليط بغات غير تتنفس ، دخلات ليها كتيسب في راسها و في لسانها لي زلق ليها ... ، حلات الباب كطل على الكولوار واش خاوي صافي حلفات حتى تمشي فحالها ، يالله خرجات حتى كتجي عينيها في عين زينب ...
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 251
الهزة لي هزات رأسها جات عينيها في عينين زينب ، الصدمة كانت ليهم بزوج وقفو في بلايصهم كيتأكدو واش بصح هوما نيت لي واقفين قبالت بعض ، من بعد ما تجاوزات الصدمة رسمات على شفتيها ضحكة مستفززززززة و تقدمات لعند بهية كتشالي بشعرها و جلايل التكشيطة مجرورة موراها ...
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
