#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 206
شرقات شمس صباح جديد ، كل واحد و كيف فاق و البداية من بهية لي كتحرك تحت الغطاء باقي ما سخات تنوض ، لكن تابعها بزاف ما تقضي .... ناضت من بلاصتها جارة في رجليها بنطوفة بالريش في اتجاه الحمام .....
خارجة و في يديها فوطة كتمسح بيها وجهها و تنشفه ، كتحاول تزرب ما تتعطلش على السفر و الطريق لي باقي تابعها .... و هي واقفة كتجبد اش تلبس تفكرات هضرتها مع سعاد لبارح فاش جات عندها بليل البيت تهضر معاها حتى كتصدم بالڤاليزات لي وجدات و حطات حدى الباب ....
🔙🔙🔙🔙
من بعد الكلام لي قالت لبنتها و لي سمعات من عمران و حتى هضرت الاخرين معاها عرفات راسها اش دارت ، من خوفلها عليها و حيت بغات ليها مصلاحتها خرجات كلام هي مقصداهش .... دخلات عندها من بعد ما دقات في الباب ، حتى كتصدم بالڤاليزات لي حدى الباب من جنب مطرفين على الطريق ....
_ سعاد : (بصدمة من اش كتشوف ) ا ااش..! اش هدشي ا بنتي ؟؟ فين غادية ..؟؟
_ بهية : (مددة على سريرها ، هزات فيها عينيها و ناضت تقدات في الجلسة احتراما لمها لي دخلات لعندها .. ) والو ، بغيت غير نسافر و صافي
_ سعاد : (تقدمات حتى ل حداها و جلسات بجانبها .. ) بغيتي تخوي دار تاني ياك ا بنيتي بغيتي تمشي و تحرقي قلبي عليك ، انا ما قصدتش اش قلت ليك ، غير من خوفي عليك و لمصلاحتك قلت داك الكلام ...
_ بهية : (شدات يديها و باستها ليها كطمنها انه ما وقع والو ) ا ماما يهديك الله ، ياك انا قبل قلت ليك بلي غير تقرب تشد وتين العطلة غدي نسافر انا و ياها ، مؤخرا و بسبب الخدمة لي تضغط بيها هملتها و نتي عارفها شحال حساسة و كترد البال و انا ما بغيتها تحس بوالو ، هذا ما كان ، انا شديت كونجي و قررت نسافر غدا ... غير تهناي راه ما كين والو ، و حيت عارفة انه هضرتي على قبل مصلحتي ما قلت حتى شي حاجة ، ما ديري في بالك والو انا مرتاحة غير تهناي....
واخا قالت ليها ديك الهضرة لكن متيقاتهاش ، بنتها هديك و عارفها و حسات انها غير مبغاتش تشطنها معاها ، حولات حتى هي تميك بلاما تورك على الجرح ...
_ سعاد : (بابتسامة ) عاد رتاحيت ، ايوا فين بغيتي تمشي.... !؟ ، غدي تدي ليا بنتي وتين و تخليني بوحدي في الدار كي الحنش المقطوع ليه الراس ....
_ بهية : (ضحكات ليها حتى هي ) راه كتقنط مسكينة ، و مع الجو بارد غدي يكون طاح الثلج في افران ايوا قلت نمشي ليها ... غدا في الطريق ان شاء الله نريزيرڤي فشي اوتيل ....
أنت تقرأ
💕💕 قصة الشرف 💕💕 بالدارجة المغربية
Literatura Feminina#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...