#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 186
الانسان ضروري ما يجي النهار لي فيه يكبر و يتعلم من الأخطاء دياله و يزيد بحياته القدام ، الأخطاء في حياتنا شي حاجة واردة و عادية لكن لي معديش هو انك متتعلمش من دوك الاغلاط و تصلح من حياتك للاحسن و لي معديش هو تتعايش مع اغلاطك و تستسلم الواقع بسبة انه هذا مكتاب ، اه فعلا هذا مكتابك ولابد من أنك تعيشو ، لكن الله قال تسبب اعبي و انا نعاونكم ، دير محاولة دير جهد و جهدين باش تفوت لي داز و تتقدم ، الحياة فرص ، متيأسش و تستسلم من الضربة الأولى ضروري من الضربات في الحياة و ضروري من أنك تواجه دوك الضربات و تقاومهم و نت واقف في وجههم بكل قوتك تبين انك ممستسلمش ليهم ....
من بنت 18 سنة ، البنت الطايشة لي مكتفكرش بعقلها ، المتسرعة ، ل بنت 26 البنت المرزنة و لي عااارفة اش باغية لأم مسؤولة و حنونة لإبنة مطيعة مرضية ، السنين لي دازت من حياتها قواتها و خلاتها تعرف اش بغات و فين تحط رجليها ، حياتها تحسنات من دي قبل لا من الناحية الشخصية أو المهنية لي قدرات دير بلاصتها في خدمتها و تبين على مهاراتها ، طورات من نفسها و الوقت قسحاتها ، الزمان عطها دروس عمرها تنساهم دروس خلاوها توصل لفين هي دابا ....
الساعة الثانية عشر و النصف ليلا ، تحل السانسور على الباركينگ فين حاطة اللوطو ديالها ، خارجة منه كتقطق بطالونها لي صدر صوت كاسر هدوء المكان ، الإضاءة خافتة في المكان ، وقفات لثواني كتقلب في صاكها على الساروت ديال اللوطو بين اشياءها حتى لقاته ، فتحتها عن بعد حتى وصلات ليها عاد ركبات مغادرة المكان زايدة في السرعة شويا على حساب الوقت لي تعطل ، نغامسات وسط قضية عصباتها و رونات ليها الراس ، في الطريق رن تليفونها بنمرة وصال بدون تردد جوباها في الحين ...
_ بهية : ( بصوت هادئ و نبرة مبهجة ) الو ، مامي ههه افين الحي و ميت لباس عليك
_ وصال : ( كتهضر معاها و مبرزطة مع سند لي مبغاش ينعس ليها و كتنهج في وسط الهضرة ) احح ياختي هاني ، اووف ، زگا ا سند نعس براكة ، ناري ياختي قهرني قهرني ، المهم ياك باقي غدي تجي تديني غدا عند الطبيبة
_ بهية : ( بابتسامة و مزاح ) غير تهناي ا حي و ميت نجي نديك ، مال حبيب طاطاه مبغاش ينعس
_ وصال : ( بتنهيدة قوية و النهجة في صوتها) والو ياختي ، ملي مكينش مصعب راه داير ما بغى ، ايوا نخليك كيبان ليا يالله غادية للدار ، منشدكش المهم غدا نتشافو يالله تصبحي على خير ..
قطعات معاها و ضارت ل عند سند لي بزز باش نعس ليها ، و قفات من بلاصتها كتتمشى بزز و يديها تحت كرشها لي منفوخة .....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...