#الشرف#
⚪دماء شرفي⚪
Soukaina soulaika
البارت 55
متكذبش و تقول انها بكلامه متاثراتش او ما حرك فيها والو ، بقى فيها خصوصا فراق الوليدين لي هي عاد حسات بيه و اليوم جرباته ، بعدا هو عارفها فين كينة ، اما هي لي ما عندها عليهم خبار ....
كي سالا كلامه سمعها تاني تبكي و تتنخص ، ضحك عليها بصوته المدعدع ، حتى فيه شافت و عينيها بدموع حمارو ، كتقول مع راسها اش بيه حتى كيضحك ياك بحرا كان يعاود ليا قصة حياته خاصو بيها يتأثر كي تفكرها ، لكن هو دابا كيضحك ، جاتها حالته عجب ، ماعرفتش بلي عليها كيضحك ماشي على لي عاود ، بغات تسوله حتى من الضحك حبس و ليها موجه كلامه
_واش نتي كلشي عندك بالبكى ، زعما انا عودت ليك باش تنساي البكى و تخليني مع راسي مكالمي ساعة عاد ما زدتي فيه ، راه قلت ليك خليها على مولانا هو يفاجيها على العباد
_ بهية: وانا بقيتي فيا و عليا عزيتي ، القليل مادوزتي ، و باقي واقف على رجليك
_ الحمد لله على كل حال ، دوام الحال من الموحال كولا واحد و كيف بغى ربي يشوفه و انا محتاجش لي يبكي على قصتي و لا لي شفق عليا ، راني براسي قاد ، نخليها ليك نصيحة لوجه الله باش تحسي ل غريب ما تبينه وخا تعرفي عليه تكذبي ، ضعفك خليه بينك و بين راسك ، سرارك خليهم ليك يجي نهار و ينفعوك ، الله ما كيدير لينا الحاجة حتى كيكون مكتب علينا حواااااايج خرى ، ربي كبير و رحمته واسعة ، نتي وليه و عليك ضايرين الضبوعة ، عزيتي عليا و درتك في بلاصة الخوادرية ، ديري في بالك الله يمهل و لا يهمل ، بنتي ليا مضلومة حقك عند الله ما يضيع الله معاك ابنت الناس ، ان مع العسر يسر هذا هو اختي ،
من حداها ناض ، بالظهر عاطيها غادي مكمل طريقه ، هضرته دخلات ليها مع العضام ، بلا ما تشعر براسها حتى هزات يديها كتمسح دموعها ، هضرته اترات فيها بايجابية ....
كل واحد رجع لبلاصته ، الكار كمل طريقه ل مدينة البهجة لي مخبية شلا حوايج ليك ا بهية
#الشرف#
⚪دماء شرفي⚪
Soukaina soulaika
البارت 56
في بيتها خارجة يالله فاقت كتكسل حاسة بالعياء ما يجي فين يوصل يوم الراحة ديالها حتى كيتقضى جهدها ، ستقمات في الجلسة كتجع خلاصت شعرها القهوي ديما ما دابزة معاه كي تفيق ، وقفات جارة رجليها في اتجاه الحمام لي خارج الغرفة توضى تصلي الصبح اليوم عينيها مشات بيها و نعاس غضرها حتى ل صبح مصلاته في وقته ، ملي كانت صغيرة و هي مداومة على صلاتها في وقيتها ، قاعدة زوينة خلاها فيها المرحوم باها ، كانو يصلو جماعة .....
كي سلات الوضوء ، ل بيتها راجعة ، في يديها الفوطة هازة بيها كتمسح و جهها من قطرات الماء ، حطاتها على الناموسية ، لي حداها محطوطة عبائة ديال الصلاة ، توجهات للقبلة كنصلي فرضها بكل خشوع .... سلات و ل يديها هزات رافعة راسها الاعلى كنطلب من العالي مولانا يرحم العزيز عليها في هذ النهار ختمات دعائها بالاستغفار ....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
