💕💕 قصة الشرف 💕💕 بالدارجة المغربية

😊 الفصل 57😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 294

كلامها ما فهم منه حتى شي حاجة ، واش متعمدة تهضر هكا ولا فعلا كتقول باش هي حاسة ، فكرة أن هذ الزواج مبزز عليها و هي مبغياش جاته في شكل صعيب يتقبلها ، ما صدق رآها ولات خطيبته ، واش هذ الزواج غدي يسالي و باقي يالله بدا ..!؟

_ بهية : (هضرتها حركاتها كلشي ببرود و هدوء كتحس بيها مرتاحة في الهضرة) خاصك تعرف أنني ماشي بسهولة نكون صريحة مع شي حد و نقول گاع داكشي باش كنحس أو فاش كنفكر ، هذ الزواج بنسبة ليا ربحة اه ربحة ، الحب جربته لكن بطريقة خاطئة الماضي مكانش ساهل عليا و منبغيش نهضر فيه نت مسولتينيش عليه لكنك سولتيني على السبب لي خلاني نوافق على زواجي ، ماشي ساهل نعود نبني حياة جديدة مع إنسان يالله عرفته ، لكن في ديك المدة القصيرة لي عرفته فيها خلاني نعيش شي حوايج لي معشتهمش في الزيجة الاولى لي كانت فاشلة من بدايتها ، اه معاك ا يعقوب كتاشفت شي حوايج جداد عليا شي حوايج خلاوني نتأكد أنني مستاعدة نبني حياتي من جديد مع إنسان آخر أو يعني مغاير انا وليت قادرة نسير حياتي مع راجل ، راجل نتقاسم معاه كلشي ، فاش كانو كيجبدو ليا سيرة الزواج كنت كنشمأز من الموضوع و كنهز راسي على اغلاطي ، لكن دابا فاش تجبد الزواج و كنتي نت هو العريس أحاسيسي كانت مختالفة على قبل ، شعوري و تصرفاتي و ميولاتي كلهم تبدلو و تقبلوا إقتحام اشياء جديدة عليهم ، رحبو بكل شعور أو إحساس غريب عليهم ، نهار الخطبة انا ما كان في خباري والو ، تحطيت أمام أمر الواقع ، لبست و تقاديت على أساس ضياف جاين لدار في زيارة لكن فاش عرفت أن ماما كذبات عليا خوفا من أنني نرفض هذ الزواج مرة خرى متقبلتش الأمر و حلفت حتى ننهي هذ المهزلة قبل ما تبدا و بين عيني غير أنني عاطية وعد لواحد اخر ، عاطية وعد ليك نت ، في ديك اللحظة لي جرني فيها عمران باش منتهورش أو ندير شي تصرف لي ماشي حتى لهيه ، خلاتني نعرف انك نت لي غدي تتزوج بيا و وافقت بعيني مغمضين و هادشي كله و ما عرفتش علاش ، شنو لي مخليني نتيق من جديد و نفكر فأنني نبني حياتي مع راجل من اول وجديد ، باقي لدابا معرفتش علاش ...

هضرات بزاف ، شرحات و بررات و حولات تبين و توضح الأمور كيف هي في بالها و من منظورها و كيف ما كتفكر هي ، لكن واش هو ستوعب اش قالت ليه ولا اش بغات تبين ليه ، كلامها خلاه يفهم بزاف ديال الحوايج ... بهية من النوع ديال الناس لي كيكتم مشاعرو و باش كيحس ، صعييييب باش تفرغ لي في داخل ديالها ، ولات متحفظة بمشاعرها و هدشي ما خفيش عليه ، لكن هي دابا قدامه كتاب مفتوح و ساهل باش يقرأه ...

_ يعقوب : بغيت جواب مختصر علاش وافقتي تتزوجي بيا..!؟

_ بهية : (رجعات نظراتها ليه و حطات دقنها على يديها لي محطوطة فوق الطبلة) وافقت حيت لقيت داكشي لي ما لقيتوش في شي حد اخر ، وافقت حيت نت يعقوب ، وافقت حيت خليتيني نحس من جديد بلي واخا ماعرفت فين نوصل غدي يجي نهار لي فيه نحتاج راجل بجني ، وافقت حيت نت خليتيني نرجع نحل قلبي و نبغيك ...