#الشرف#
⚪دماء شرفي⚪
Soukaina soulaika
البارت 91
حس بالملل ، العجز لي هو فيه و شلله خلاه يحس بالضجر من كلشي ، هز تيلي دياله متاصل بصاحبه يجي عنده ، هذا لي بقى معاه مرة مرة يجي يطل عليه .....
_ ايوب : افين الخاوة هانيا ، دوز دوز تريح معايا راني بوحدي في الدار
_ لا يا خو غدي تكون ماماك ، و انا مكتحملنيشي ،
_ ايوب : راه ما كيناش جالس بوحدي جيب معاك باش ندوزوها راه قهرنا القنط ، بغينا نشطو الجو
_ الى بصح مكيناشي غدي نجي ، بالحق صبر عليا نوصل العايلة ديالي ندارهم و هاني معاك ا خاي......
مدزاش بزاف ديال الوقت حتى جا ، عنده ساروت غير حل الباب و دخل ، سوارت بعضياتهم مبادلينهم ، غير لي جا يدخل ......
حطو وسخهم و جلسو يبدلو المورال كيف قالو ، الدعوة عندهم مخلطة ، ضار ايوب بجنابه كيقلب على بريكة باش يشعل الگارو ، حتى لقاها يالله شغلها وهي تفرگع على وجه ......، الم رهيب كيحس بالعافية كتاكل ليه في وجهه ، ديك البريكة لي تفرگعات خلفات حريق ، حيت النفس ضايرة في الدار ، و هوما بقوة الدخان لي كيكميو ما شمو والو ، الله الى بغى يعميك على شي حاجة راه ما تحس بيها حتى ليك توقع
عافية كلات الدار ، و بيهم كملات ايوب كيغوت و العافية كتاكل فيه شويا ب شويا باش يهرب ما قدرش الرجلين عليه فاشلين على عكس صاحبه ، لى كي شاف البريكة تفگرعات هرب ، و خلا صاحبه ، لكن مع ذالك حتى هو خدى حقه ،
البيت ديال الايوب لي فيه بقايا السجائر كان أكثر عرضة العافية ، الفراش كله تحرق و معاه ايوب لي كيشوف العافية طالعة مع الجسم دياله ، بقوة الألم لي بيه كيحس مقدرش حتى يطلع الصوت باقي ، كيغوت في الصمت ، كينين لا غير طالب النجدة لكن ممن ، شكون يعتقه ياك صاحبه لي كان معاه هرب و خلاه بوحده يواجه مصيرو....
#الشرف#
⚪دماء شرفي⚪
Soukaina soulaika
البارت 92
من الألم الصعيب لي كيحس بيه الانسان هي الحرق حي ، حتى انسان مكيتصور راسه انه كيتحرق و هو حي ، شعور فضيع ،.ما تبغيه ل حتى حد يجربه واخا ما عرت اش يكون صرف فيك داك الانسان ، ضروري ما يبقى فيك ، و ما تبغيهاش ليه
كيف سمعات الخبر لي نزل عليها كيف الصدمة ، جاتها قاسحة ، راه في واحد الوقت دوزات معاه ايام زوينين قبل الزواج ، كانت كتبغيه ، و بالنسبة ليها في داك الوقت هو كلشي في حياتها جاتها صعيية تعرف انه مات و باش مات ، مات محروق يعني كيتحرق و هو كيتعذب كيحس بداك الألم ،
كتبكي و تغوت كي تفكرات الحلمة لي حلمات ، ماتيقاتش الشق الاول من الحلمة هاهو تحقق و الشق الثاني شنو هو اش لي غدي يدي ليها ، شنو لي ما تقدرش تقعتق شكون هدي ....
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
