#الشرف#
⚪دماء شرفي⚪
Soukaina soulaika
البارت 162
دخلات للكلينيك لقات في استقبالها اية حيت علماتها وصال في التيلي ، ديك الساعة داتها ل غرفة الفحص باش تشوف واش جاهزة الولادة و لا باقي ، غير قاستها في فرجها بحالا لاحت ليها عافية في عينيه ، حيت مسدودة الوالدة ما محلولة بحتى سنتيم ، و حتى التسقية باقي ماترطقات ، عرفات ان ولادتها غدي تكون صعيبة و المشكل زوج ماشي حتى واحد
خلاتها مسطحة على البياص كتلبس حوايجها في ديك الساعة اية استغلات الفرصة و بغات تهضر معاهم على انفراد باش متخلعهاش كثر حيت الخوف لاعب على نفسيتها
_ وصال : شنو غدي تولد ؟؟
_ اية : وصال حبيبة ما عندي ما نخبي عليك ، حالتها صعيبة براف حيت باقي الوالدة ممحلولاش ، البنت مجموعة ، التسقية ما ترطقاتش ، غدي تتعذب بزاف و هي صغيرة ما غديش تستحمل
_ وصال : اولي ا اية اش كتقولي!! واش مكينش الحل ؟؟
_ اية : لا كين الحل ، لي هو الولادة القيصرية ، حسن ليها حيت الولادة الطبيعية شبه مستحيل تولد بيها ، المهم راه نفسيتها مرونة الخلعة دايرة فيها ما بغات ، فكري اوصال بالعقل الى بغيتو تعتقوها و تعتقو لي فكرشها ..
سلات هضرتها و مشات مخلياهم في حيرة اش غادي يديرو ، على حالهم حتى كيشوفه حليمة داخلة هي و عمران ، قالو ليهم اش كين و ما ردوش البال ليها هي لي كانت خارجة من بيت بعد ما هدا عليها شويا الوجع ، جات مع جملة وصال ان حالتها صعيبة و غدي تتعذب في الولادة الطبيعية ...
_ بهية : لاااا انا ما بغيتش نولد قيصري ، وصال غير سمعيني ماشي مشكل نصبر و الله حتى نصبر و ما نغوتش غير ما نديرش العملية عفاك اوصال ما باقي بغيت حتى شي عملية ....
وصال : شوفي ا بهية فكري في مصلحة لي فكرشك ، من الاحسن تولدي قيصري حيت حالتك راه متسمحش ليك باش تولدي عادي
_ بهية : علاش ما تسمحش ليا ! شنو فيها حالتي ، لا انا غدي نولد طبيعي بلا فتيح بلا والو
في صالة الانتظار لي خيطاتها ذهابا و ايابا بسبب الوجع ، فاش كيمشي كترتاح و تقول ليهم صافي مشى غي يالله نمشيو فحالنا ، و غير يجيها ثاني تسكت تتوجع في صمت باش ما تولدش قيصري ، بقات على حالتها كتتعذب في صمت ماخلا و باش قنعوها ، بقات معاها غير وصال و حليمة اما مصعب و عمران مشاو لخداميهم. ، بما انه باقي ما غدي تولد ما عندهم ما يديرو هنا .... فات الظهر و تبعو العصر و هي باقي تتوجع و والدة حلفات لا تحلات ....
#الشرف#
⚪دماء شرفي⚪
Soukaina soulaika
البارت 163
طلقات تنهيدة من اعماقها كي طلقها الوجع ، جلسات في بلاصتها كترتاح من الدوران في ديك القاعة و هوما حاضين معاها و رادين ليها البال
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
