#الشرف#
⚪دماء شرفي⚪
Soukaina soulaika
البارت 124
تقطع الخط و جلسات كتستوعب بلي راه لي هضرات معاها بصح بنت ختها ، بالصدمة انها هضرات معاها قالت راه غير كتخايل ، عودات تاصلات لكن لقات الخط طافي ، ناضت بالزربة لبسات جلابتها و توجهات ل دار مصطفى
يالله خرجاته من الدوش من بعد ما غسلات ليه ولات كتلقى معاه مشكل الى بغات دوش ليه حيت كيغلبها ، شكون يهزو معاها و شكون يحطو معاها ، من بعد ما لبسات ليه حوايجه ، خرجاته في الكرسي للبيت لي فيه التلفزة على ما تحط الغدا
واقفة في الكوزينة حتى كتسمع الدقان في الدار مجهد ، تخلعات ، حطات لي في يديها و مشات تحل الباب بالزربة ، لقاتها ختها خديجة. كتتنهد و تعاود ، جراتها مدخلاها سادة الباب من وراها .... كتشوف في خالتها بإستغراب من حالتها .....
_ سعاد : خديجة !! مالكي ياك لبلس ، ياختي هضري راه سكتي ليا قلبي ، ما بقيت قادة على مشاكل راه ربي لي عالم بيا ....
_ خديجة : شوفي اختي انا نقول ليك و ما تتسرعيش راه انا و باقي تالفة ، قبيلة كنت جالسة ياك حتى كيصوني تيليفوني ملي جاوبت قالت ليا انا بهية بنت ختك انا بالصدمة قلت ليها بنت ختي ماتت شويا حتى ما بقيت كنسمع والو و الخط تقطع ملي ستوعبات و جيت نصوني على نمرة لقيت التيلي طافي ما خدامش
سعاد بالدموع كتقلب في ختها على تيليفونها باش يعاودو يصونيو عليها تلفات ما صبرات حتى تقلب ختها على التيلي راسها
_ سعاد : جبدي جبدي اختي نصوني على الله يكون بصح عفاك ا ختي راه قلبي كيترعد على بنتي و ياربي تكون بصح حية
جبدات التيلي مدوزة الخط لبهية ، حتى كيسمعوه كيصوني بعد عدة رنات جاهم صوتها لي منغنغ بالبكا ....
_ بهية : الو خالتي انا ممتش اخالتي انا حية شكون قالها ليكم انا حية علاش قتلتوني و انا في الحياة الو خالتي ، علاش مكتجاوبينيش ....
#الشرف#
⚪دماء شرفي⚪
Soukaina soulaika
البارت 125
كانت كتهضر مع خالتها حتى تقطع الخط ، ملي قلبات علاش تقطع لقات تيلي ديشارجة ، بالفقصة كانت غدي تزف بيه ، لكن تبتات راسها ، جلسات على سريرها باش ترخي فيها نفس و تحاول تستوعب اش سمعات ، من فضل العلاج عليها هي انها تتريت قبل ما دير لي تندم عليه ، كي عرفات اشنو بغات ناضت نيشان قاصدة المجر هازة الشارج منه ، كتشعل فيه بتوثر حتى غلبوها الدموع كتبكي و تعاود ، كي شعل اول حاجة طلعات ليها هي لابيل ديال خالتها ، بالزربة دوزات الخط مجوباها ب لهفة بالدموع .....
_ بهية : الو خالتي انا ممتش اخالتي انا حية شكون قالها ليكم انا حية علاش قتلتوني و انا في الحياة الو خالتي ، علاش مكتجاوبينيش ....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
