💕💕 قصة الشرف 💕💕 بالدارجة المغربية

😊 الفصل 67😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 335

قلبه بدا كينبض بسرعة خيالية و هو كيشوف في عينيها لي كيطلبو منه النجدة .. كتهضر معاه بعينيها بدل فمها لي كانت ما قاداش تحركو من الصدمة و من الحريق ، بحيث اي حركة كاديرها بوجهها كاتتسبب ليها فالحريق في عنقها .. قرب منها بخطوات شبه بطيئة ، مزال ما شبع من تأمل عينيها لي توحشهم ، قرب منها و تحنا طبع قبلة دافئة على جبينها مطواااال فيها .. جر كرسي و جلس عليها شاد في يدها لي كانت كتترعد..

يعقوب(تكلم بنبرة حنينة): زين ديالي على سلامتك...ما تتصوريش شحال تخلعت عليك ، كي بقيتي دابا شوية؟..

بهية(عينيها غرغرو بالدموع كاتفكر اش وقع ، نطقات بنبرة مرتجفة كاتحاول تجمع الكلمات كتلقى صعوبة بسبب الغراز لي غير كتحرك فمها كتحس بيه كيتجبد): انا..هوماا..ضربووني..ضربوني ايعقوب..عنقي كيضرني..

يعقوب(تجمعات ابتسامته و تحولات لقلق):بهية حبيبتي صافي غبر تهدني، راك مزال مريضة ما ديريش شي مجهود لي يسبب ليك الحريق..

همهمات ليه بفمها ما قاداش تدوي مزال ، الخلعة و الحريق مانعينها..داكشي لي عاشت ماشي ساهل تتخطاه ولا تتجاوزو ، مزال راها تحت تأثير الصدمة ، بقاو ساكتين بجوج لمدة من الزمن مخليين عينيهم هوما يهضرو بلاصتهم ، و يعبرو على شي حوايج ما قادش الفم يوصلهم...هي كاتشوف فيه بخلعة و خوف ، كاتخبرو ببشاعة داكشي لي عاشت و على التأثير لي خلا فيها..و انها محتاجة ليه دابا كتر من اي وقت ، وهو كيشوف فيها بحب و اشتياق ، كيخبرها انو غايكون معاها ديما مساندها كيما كانت الضروف..

يعقوب(تكلم بنبرة هادئة و عينيه مازالين أسيرين عند عينيها): عرفتي وتين خافت بزاف عليك..و حتى باباك و ماماك كان قلبهم ايسكت بالخلعة عليك فاش قلتها ليهم ، ولكن ما قادينش يوصلو لدرجة الخووف لي خفت عليك انا واخا كنت كنصبرهم و نقوليهم انك غدي تكوني بخير و ما يخافوش..كنت انا اكتر واحد خايف عليك و داتي كتولي كتترعد فاش كنتفكر انك كتتألمي ، غير فكرة انك توقع ليك شي حاجة كانت كتخلي نفسي يحبس ، و عروقي يجمد فيهوم الدم..شوفتك فديك الحالة مرمية على الارض مضروبة خلات قلبي يمشي و يجي بالخلعة ، خفت بزااف عليك...عرفتي من هادشي كامل خرجت بواحد الاستنتاج..عرفتي شناهوا؟

بهية(نطقات بفضول ما حاساش براسها): اشنو هو !؟..

يعقوب(بعينين كيبريو و عامرين حب): انني ما نقدرش نعيش بلا بييك..كنبغيك لواحد الدرجة فايتة العشق و الهيام لهيه..حب خاص غير ليك نتي و عمر شي واحد ما غدي ياخد مني بحال هاد الحب غيرك نتي..