💕💕 قصة الشرف 💕💕 بالدارجة المغربية

😊 الفصل الرابع 😊

#الشرف#

⚪دماء شرفي⚪

Soukaina soulaika

البارت 17

في بعض الاحيان لازم على الانسان يحضر عقلو ، باي شكل من الاشكال ضروري يستعقل في بحال هذ المواقف ، الشيطان على السبة ، خاصه غير الفرصة باش يهبش بين هدا و هدا و يجيد الصداع .... و هذا ما وقع مع بهية و ايوب ف جميع النقاشات خاص واحد يطلع و واحد يهبط ماشي كلهم يطلعو وماشي كلهم يهبطو ... لكن هي من حرقتها على فراق واليديها ما صبرات و مزال كلامهم في داخلها يحفر و داك الفقصة و السم خاصها فين تبردو لقاتو غير هو لي اصلا شاعل غير هو و راسه خاصه غير معامن و مرضاش بطريقة هضرتها معاه محملهاش تتجادل معاه في الكلام و ترد عليه

_ايوب : اش خاصك دروك علاش كتقلبي ؟؟ ياك لباس ؟؟

_بهية : ما كتقلب على والو دابا غير فوتني عليك الله يرحم ليك الواليدين

_ايوب : لا ملي جبدنا هذ الموضوع نجبدو كلشي علاش ملي جيت نبوسك هربتي راسك مني ؟؟

_بهية : داخلنا عليك بالله واش حنى دابا في البوسان ، مكتشوفش الحالة لي فيها أنا راه ربي لي عالم بيا ، البوسان هو لي بقى ليا

-ايوب : كيفاش ا لالة بقى ليك غير البوسان واش داوية من نيتك ؟؟ ا شريفة متنسانيش راك غير البارح وقعتي على عقد الزواجنا لي هو النكاح ، عارفة اشنهو النكاح ؟ راه حقي هذاك و كون كنت شي ولد الحرام كون خديت حقي البارح ...

ضحكت بالفقسة تغددات على هضرته ... ، ابدا متسرطش ليها تعامله البارح و دابا زاد كمل ليها بهذ الهضرة ... تعصبات حتى بالغوات جوباته

_بهية: على اشمن نكاح كتهضر راه والله داكشي لي بغيتي لا خديتيه من عندي دابا غير فوتني عليك و عقل على فعيلك ا ايوب !! انا لي حمارة سامحة في واليديا على قبل حمار بحالك ندمت على ديك الورقة لي معاك سنيت الحيوان

_ ايوب : سدي عليا فمك و عرفي اش كتقولي حسن ليك و ماشي انا لي ضربتك على يديك باش تتزوجي بيا !! .... نسيتي شكون كان لاسق في لاخر انا ولا نتي؟؟ ... ولكن غير بلاتي نتي لي قلبتي عليا ف تحملي مسؤليتك و من بعد نتفاهمو على حمار و حيوان اه غير ما بغيتش نوريك و جهي من النهار الاول

#الشرف#

⚪دماء شرفي⚪

Soukaina soulaika

البارت 18

_ ايوب : سدي عليا فمك و عرفي اش كتقولي حسن ليك و ماشي انا لي ضربتك على يديك باش تتزوجي بيا !! .... نسيتي شكون كان لاسق في لاخر انا ولا نتي؟؟ ... ولكن غير بلاتي نتي لي قلبتي عليا ف تحملي مسؤليتك و من بعد نتفاهمو على حمار و حيوان اه غير ما بغيتش نوريك وجهي لاخر من النهار الاول

_بهية : مالك مرضيتيش نت حماار و حيوان كين شي راجل كيشوف مرته كتبكي قدامه و ميتسوقش ليها .... ، عمري ما غدي نسامح ليك عمري !! سير حتى تكون راجل عاد جي عندي نعطيك حقك ا سي رويجل ..... ندمت ندمت حتى ندم الزغب في راسي ....