#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 211
في البيت عنده بهية يالله فاقت ، بغات تنوض حتى كتسمع صوت تيليفونها كيصوني ، تلفتات ليه لقات رقم غريب هو لي متاصل ، يالله بغات تجاوب حتى تفرع عليها الباب من طرف لاخديجة لي دخلات عندها صفرة مسقطرة من الدم خلاتها تقطع بالخلعة على المتصل بدون وعي ملي سمعات بنتها و الثور ما عرفات اش واقع .....
_ بهية (بالخلعة ) اش واقع !؟ ، هضري بشويا باش نفهم ..!
_ لاخديجة : (صفرة الدم مشى من وجهها بالخلعة) ابنتي اش بيت نقول ليك ، خليت الخبز كيطيب على الفران لي ورى الدار ، و دخلت لكوزينة نقضي شي شغال حتى كنسمع الغوتة ديال الثور من الكوري فاش مشيت لقيت بنتك حرقات الثور .....
غير عرفات اش واقع متسنتهاش حتى تكمل الهضرة بنتها و عارفها اش كتسوى ديرها و دير ما كثر منها ، مشات نيشان قصدات الكوري كتلقى بنتها واقفة قدام الثور لي باقي كيغوت بسبب الألم لي حاس بيه من الحرقة ، شادينو الخدامة لي في الفيرمة غير بزز باش ما يمشيش ليها ، و هي حلفات لا تفوتات من حداه ، بقات واقفة في بلاصتها و باقي كتخاسم عليه ....
_ وتين : (على تخنزيرتها ) شفتي اش كيوقع لي مكيتصنطش قلت ليك حدر عينيك هي حدر عينيك و نت شديتي العقوبة حيت ما سمعتيش كلامي ....!
_ بهية : (بغضب في صوتها ) و نتي اش من عقوبة خاصني نعاقبك امم ...!؟.
تلفتات كتلقى مها واقفة وراها مربعة يديها و كتخنزر فيها ، عرفات راسها قفراتها لكن لي فيها فيها ، تقدمات حتى لعندها و وقفات مكتشوفش فيها ... حتى كتجرها من يديها متبعها وراها .... ما وقفات بيها حتى لبيت فين كينعسو ....
_ بهية : اش هدشي درتي ا وتين ...!؟
_ وتين : ما درت والو ، هو لي كيشوف فيا ، انا قلت ليه ينزل عينيه و ما سمعش كلامي و عاقبته ، نتي لي قلتي ليا لي مكيسمعش الكلام كيخصنا نعاقبوه و هدشي لي درت غير عاقبته .....
_ بهية : (بقات سااااااكتة كتشوف فيها حتى هضرات معاها بهدوء باش توصل ليها الفكرة ) ولكن نتي راك رتاكبتي خطأ في حقه ، عرفتي علاش ..!؟ ( حركات وتين راسها بنفي ) حيت هو غير حيوان مغديش يفهم اش بغيتي تقصدي ليه ، و عاقبته على شي حاجة لي هو اصلا گااااعما عارفها ، الله سبحانه قال لينا ارحمو من في الارض يرحمكم من في السماء ، و عرفتي شكون في السماء ....
_ وتين : (بصوت منخافض ) اه ، الله هو لي في السماء
_ بهية : (كملات بنفس الهدوء و الجدية في الكلام ) و نتي عارفة هدشي و مرحمتيهش ، اذا نتي لي خاصك العقوبة ماشي هو ، و عقوبتك هي اسبوع مغديش تخرجي تلعبي بالثلج لي حماقتي عليه ...
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
