#الشرف#
⚪دماء شرفي⚪
Soukaina soulaika
البارت 61
داز النهار عندها عادي في البيرو كيف لي قبل ، ملي مكيكون عندها حتى شي جلسة في المحكمة ، كتاخد راحتها على قضاياها على عكس فاش كتكون خدامة في المحكمة ، كتضغط بزااف
خارجة من المكتب فى اتجاه الباركينك تهز اللوطو باش تمشي ل دار تبدل حوايجها و تمشي العرس دير الواجب جات حشومة متحضرش ل عرس بنت عمتها واخا بعيدة عليهم شويا لكن هذا كيبقى واجب عليها تقوم بيه ....
حبسات اللوطو قدام الدار ، طالعة ل بيتها تاخد دوش تريح راسها ، من الصدمة ديال الصباح و الروينة ديال الملفات ، طلقات الماء في الدوش يسخن ، وقفات قدام الماريو تشوف شنو تلبس و باش تحضر مشات للجلالب تعزل و تخير كيف بغات الخاطر و اخيرا وقع الاختيار على جلابة هماوية ديال المناسبات ب الاخضر ملكي خدات ليها الصاك و سندال مع الشال لي ناسبها ، حطاتهم في الناموسية راجعة لدوش دوش .......
هبطات امام دار العرس الهراج و الصداع مجود من بعيد تعرفها دار العرس ، سطاسيونات قريبة ل دار ،نازلة مسبقة رجليها اليمينة ، تقدمات بهدوء و الابتسامة على شفايفها الطبيعية بلا مكياج اصلا مكتحملش قوة الزواق كيعجبها راسها بلا والو بملامحها الشهبة و بيوضية بشرتها مع لون عيوناتها العسلي كتبان حسن وهي بلابيه ، لي لقاتها في طريقها عليها تسلم و كلمات التهاني و المباركة من فمها ما خطات.....
وقفات عليها ام العروسة كتسلم و تعاود زمان ما شافو بعضهم
_ ايوا المحامية ديالنا اش غبرك علينا
_ وصال: لا والو امرة عمي غير مع الخدمة وصافي
_ ايوا هاهي فيك ، علاش لي محضرتيش لليلة الحناء و شحال تسنينا فيك
_ وصال : و الله ما كرهت نحضر لكن ملقيتش الوقت غير سمحو ليا ، فيا الحق
_ ايوا لباس ملي قلتيها بوحدك هههه ، دخلي دخلي راك ماشي برانية ، راهية زكية في البيت عند الكوافير كتصوب ليها اللبسة الثانية شتي جيتي معطلة
_ وصال : لا مرة عمي غير خليها حتى تسالي بلاما نبرزطها انا نخرج اللبرزة على برى ، والله يكمل بالخير مرة خرى ....
#الشرف#
⚪دماء شرفي⚪
Soukaina soulaika
البارت 62
في البرزة على برى جالسة حليمة مع كوثر لي لابسة قفيطين في الكرونة جاها زوين هي على عكس ختها كتموووت على المكياج و الزواق بالحق غير ملي مكيكونش عمران ، حيت قاطع عليها الماء و الضوء .....، جالسة كتنگر غير بوحدها و مهدي كيضحك عليها اما حليمة شبعات فيها قريس و حليف حتى لدار و تخلف فيها القديم و جديد ....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
