#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 245
لتحقات بيهم لفطور ، كلشي كين و حاضر عائلة الهاشمي من صغيرها لكبيرها الا يعقوب لي خاص و نجوى لي معتاكفة البيت هذ الصباح ، يعقوب ولفو على غيابه قليل فين كيكون جالس معاهم .... جلسات في بلاصتها بجنب الحاج لي غير كيضحك مناقصه خير ، صبحات عليهم و بدأت فطورها كين لي رد عليها و كين لي مهزش فيها حتى العين ...
وقفات الخدامة حدى راسها باش تحط ليها فطورها ، و هي تسولها على التريتور ...
_ زينب : (هضرتها موجهه الخدامة و عينيها كيشوفو في السعيدية مترقبة ردة فعلها ) قولي ليا واش وصل التريتور ...!؟
كلشي هز فيها عينيه كيتساؤلو على اش من تريتور كتهضر ، علاه كينة شي مناسبة عندهم في الرياض و هوما ما اخبارهم والو ، ما بقاو كيفهمو والو ، ديما الجديد عندهم و الفراجة ديما حاضرة ...حتى من السعدية مراقبة اش واقع بهدوء و كتسنى تعرف اش من تريتور غدي يجي ..
_ الخدامة : (عينيها في الأرض و حاطة يد فوق يد ) اه الآلة جا قبيلة و رآه بدأ في الخدمة ..
تبسمات ليها وحركات يديها باش تمشي وفعلا داكشي لي دارت ، ضارت شافت في الحاج لي كان كيشوف فيها ، حطات يديها على يديه قدامهم و بدأت في تحلويتها و هو فرحان بيها ...
_ زينب : (بتحلوين) لهلا يخطيك عليا احبيبة ، ايوا خاصك مطعطلش في العشية ، جي شويا بكري باش تحضر في الوقت ..
حرك ليها راسه كيضحك هز يديها لي على يديه باسها ليها قدامهم ، خوته حشمو و حدرو راسهم و العيالات خرجو عينهم من الصدمة أما السعدية هديك بوووووحدها ، تزيرات تزيرات حتى بانت عليها ، مرضاتش من شوفات عيلات لواسها ليها و حتى تصرفات الحاج زادت على حدها ما حسات براسها حتى ضربات الطبلة و تزعزعو الماعن لي حداها ....
_ سعدية : (بعصبية ) الحاج على اش من تريتور كتهضرو ..!؟ باش من مناسبة يجي التريتور حتى لدار و انا اخر من يعلم
_ الحاج علي : (شاف فيها و بهدوء جاوبها) التريتور لي غدي ينضم اليلة ديال زينب ، بغات تفرح براسها و حتى انا بغيت كلشي يعرف بلي تزوجت و ديت لآلة البنات ، و إلى نتي مسقتيش الخبار حيت هذا مكيعنيكش و الموضوع بعيد عليك كل البعد بيني و بين مرتي ...
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 246
تلقي خبر الليلة ديال زينب بحالا الاحت الملحة على عينيها ، هي ماكانت بغيا حتى شي حد يسيق الخبار بلي راجلها تزوج عليها ، دابا باغي يعرض عليهم گاع و يقول ليهم اجيو رآه تزوجت ، حتى إلى بغات ترفض و تعارض ما بيديها ما دير الحبل من يديها ترخى ، كمداتها و سكتات حتى خرجو الرجال و بقاو غير العيالات ، گااااع داك الهدوء لي كان فيها مشاااا تسيفات عليهم ...
أنت تقرأ
💕💕 قصة الشرف 💕💕 بالدارجة المغربية
Literatura Feminina#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
