💕💕 قصة الشرف 💕💕 بالدارجة المغربية

😊 الفصل 26😊

#الشرف#

⚪دماء شرفي⚪

Soukaina soulaika

البارت 151

خرجات من دار للباركينك تهز اللوطو لي شرات على قد الحال و على قد فلوسها مرة تهزها هي مرة يهزها مصطفى ، لي حتى هو عونها في المصاريف من بعد ما باع المحالات ديال التوب لي عنده في فاس و بفلوسهم لي زاد على فلوس بهية حلو محال كبير ديال الحوايج التقليدية و حتى العصرية ، الحركة مشية ليهم الحمد الله، في هذ الشهور لي دازو قدر مصطفى يرجع يمشي على رجليه بسبب الترويض و الدواء لي تبع ،

نزلات من اللوطو قدام الدار هازة شاسية فيها قفطانها لي غدي تلبس ، دقات الباب كتتسنى لي يحل عليها ، حتى كتشوف زينب واقفة بفراشة زوينة في الكحل و طالقة شعرها ، مزرزرة ذهوبات ، بتاسمو لبعض ، دخلات كتسلم عليها من باب الصواب ، علاقتهم هي هي ، متبدل فيها والو كل وحدة شادة تيقارها ،

ما وصلات لبيت وصال حتى تهدات و عيات ، جهدها تقادا ، من الباب للناموسية كتتنهد ، مخلياهم غير كيشوفو فيها و في حالتها

_ كوثر : الدبة جيتي ، اناري ياختي ما كين لاسلام لا كلام

_ وصال : غير خلي هديك ، راه مانعرف اش ولا كيقول ليها راسها ، لاش جاية ديك الساعة غير بقاي متحضريش گاع نتي و تهناي ، ابلاتي تشوفك حليمة و توريك على هذ الفعايل لي ولاو فيك ....

_ بهية : ساليتو ، اه اه اه شي نهار تاكلوني ، اختي راكي عارفة لي كين ماشي بخاطري ، و خالتي حليمة عارفة دواها ، راه والله ما بقيت كنقدر ندير شي حاجة كرشي غلباتني ...

_ كوثر : صافي باركة من الهضرة ، بهية هضري مع هدي دير شي حاجة في وجهها ، قالت ليك بغات تسني على العقد و

بلا ما دير والو

_ وصال : واش شغلك ، ديها في راسك ، ياك انا العروسة ماشي نتي ايوا اش مشى ليك ،

_ كوثر : ايه سري سري انا لي بغيتك تباني زوينة و طفي عنين مصعب ساعة ندخل سوق راسي

ربعات رجليها كتفرج فيهم ، هدي تقول لا و الاخرى تقول اه ، خلاتهم يضبرو رأسهم ناضت تلبس عليها ، جبدات قفطانها في الزرق ملكي خفيف بلا حزام على حساب كرشها ، شعرها سرحاته قبل ، دارت شويا ديال المكياج في وجهها ، غير شافت راسها سلات عاد هضرات معاهم هوما لي وحدة تهز حاجة وحدة تحطها ....

_ بهية : غير بقاو هكاك تتدابزو حتى يجي العريس و العدول و تجي خالتي حليمة و عمران باش ينزلوك و يلقاوك باقي ما وجدتي و تسمعي لي عمرك سمعتيه و ديك الساعة فكها يامن و خلتيها ، انا بغيت ليك غير الخير و قلت نصحك ، لبسي داك القفطان لي في البيض راه هماااوي و عاطي العين ديري مايكاب خفيف يطيح عليك بيه سر العريسات و قادي شالك ، و هانتي واجدة و ما تسمعي هضرت حد ....