#الشرف#
⚪دماء شرفي⚪
Soukaina soulaika
البارت 73
غير خرجات هي من عندهم في اتجاه البيت لي عطاوها ، نطقات كوثر مسولهم سؤال مشى من بالهم و فيه ما فكرو ....
_ كوثر: ماما اشنو غدي نقولو ل عمران ، زعما الى حنا غدي نخييو عليه مهدي غدي يقول ليه كلشي بلاما حتى يسولو
_ وصال : اه ا ماما نسينا عمران ، واش غدي يوافق على جلاس بهية معانا ، و اصلا ا كوثر قبل ما مهدي يقولها ليه انا اللولة نخبرو حيت هدي حاجة متتخباش
_ كوثر : انا غير قلت و صافي ، قولي ا ماما اش غدي يدير الى ساق الخبار
_ حليمة : هداك ولدي و مني ليه انا لي غدي نقولها ليه و بطريقتي غدي نخليه يوافق
غير سلات كالامها و ناضت ل كوزينة تشوف اش دير للغدا ، كيعجبها تقدي شغلها بوحدها ، و ما تعول على حد باقي تبارك الله شادة في راسها ،
بقات غير وصال في البيت كتمسد في شعرها راسها ضرها بقوة السهير حاسة براسها كيحرقها ، ردات راسها على ضهر الفوطوي كتلعب بخصلاته ، حتى جات ل بالها اللقطة فاش خرج هذاك الغريب لي دخل فيها ، تفكرات وسامته واخا محققاتش فيه مزيان ، لكن غير و قفته و هضرته باينة فيه شي حاجة ....
غير عاقت براسها راها فيه تفكر و هي تنعل الشيطان ، يالله جمعات الوقفة تنوض ل بيتها تمى شويا حتى كيصوني تيليفونها بنمرة غريبة في الاول ما بغاتش تجاوب ، حتى عاود صونات نفس النمرة مرة خرى و هي ترجع جالسة في بلاصتها على تيليفونها مجاوبة
_ وصال : "بصوت هادئ كيف العادة " الو السلام عليكم
_ وعليكم السلام ، وصال رفيق الخير
_ وي هي شكون معايا
_ انا السيد لي وقع ليا معاك اكسيدو البارح ....
كي عرفات شكون عقدات حجبانها ، جلسات مقادة في بلاصتها ، حنحنات باش تقدر تجاوبه و تخرج من التوتر لي دخلات فيه كي عرفات شكون معاها
#الشرف#
⚪دماء شرفي⚪
Soukaina soulaika
البارت 74
_ وصال : وي وي عرفتك ، مرحبا ا سيدي
_ سيدنا و سيدك رسول الله ، ما نطولش عليك ، المهم بغيت غير نفكرك بانني قلت ليك غدي نتكلف باللوطو ديالك
قطعاته قبل ما يكمل كلامه ليها ، رافضة تماما انه هو لي يصلحها ليها ، فاش عطاته نمرتها قالت غير دير ليه خاطره وصافي ، مطناتش انه يديرها بصح و يتاصل بيها باش يتكلف ....
_ وصال : لا لا ما كين لاش ا سيدي و الله انا نيت راه تكلفت و صلحتها بلاما تعذب راسك ، و شكرا مرة خرى ، يالله نخليك نهارك مبروك .....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
