💕💕 قصة الشرف 💕💕 بالدارجة المغربية

😊 الفصل 68😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 340

غير دخلات لدارها حسات براحة كبيييرة .. فرق كبير بين تكون وسط عائلتك و تحس بيهم و بحنانتهم و إهتمامهم بيك و بين تكون ناعس في سبيطار و كيكون الفرق حتى في الماكلة .. حسات براسها رجعات فيها الروح و سط راجلها و بنتها و فرحات بلي زارها و تمنى ليها الشفاء ..

ناعسة متكية في نفس الوقت ، المخدة لي حاطة من ورا عنقها خلاتها مگعدة و ضهرها مسرح على حساب عنقها .. جالسة في جنبها وتين لي كتلعب ليها في يديها و مرة مرة تبوسها ليها و ضحك ليها .. فرحانة برجوع مها و بشملهم لي تجمع أخيرا .. بهية كتشوف في بنتها بفرحة كبيرة ما همها لا ضربة ولا والو الاهم عندها هي هذ الفرصة الجديدة لي تعطاتها باش تعيش حياتها بأدق التفاصيل جنب أسرتها الصغيرة .. حامدة ربي و شكراه لي محرمهاش و محرمهومش من بعض ..

_ وتين : (شادة يد بهية بين يديها كتبوس فيها و كطل عليها بين رموشها ناضت من بلاصتها بشويا عليها و رادة البال لا تعگر ماتهنات حتى تسرحات حداها حاطة راسها على صدرها و تنهدات من أعماقها فرحانة بقربها و ريحتها لي كتشم) توحشتك ا مامي بزاف توحشتك توحشتك ..

_ بهية : (تبسمات ليها هزات يديها حاطها عليها كتلعب ليها في شعرها جارها حتى هي لعندها) حتى انا توحشتك ا مامي ديالي و إن شاء الله تكون أخر الاحزان ا الحبيبة دقلبي

دخل لعندهم من بعد ما طرف الدار .. جا حتى تخشى جنبهم دايرين بهية وسطهم كل واحد من جيهة .. فرحتهم برجوعها كبيرة .. جمعو معاها باش ميحسسوهاش بالقنطة كل مرة يلوحو ليها كلمة ضحكها ولا يعبرو ليها على إشتياقهوم ليها .. بقاو مقصرين معاها حتى نعسات واتين وسط هضرتهم ، حسات بيها بهية فاش ترخات و حركات يعقوب لي شاف فيها شارت ليه بعينيها لجيهتها بلا صوت باش متفيقش ، ناض بشويا حتى هزها جارها ليه مدخلها في حضنه باش ميضربهاش البرد لا تكون عرقات و هي ناعسة و دابا ملي يهزها يسوط فيها البرد و تمرض .. حطها في بلاصتها بعد ما قادها ليها غطاها مزيان و ما خرج حتى تطمن رآها ناعسة مرتاحة عاد خرج راد عليها البيت .. رجع دخل لبيتهم لقاها بغات تنوض مشى عنها مسولها اش خاصها ...

_ يعقوب : (شاد فيها من يديها و كيسولها بإهتمام) شنو مالك بيتي شي حاجة ..!؟

_ بهية : (بإبتسامة من إهتمامه ردات عليه كتحاول تحرك فكها بالطريقة لي متعگرهاش في عنقها) احح احم بغيت غير نمشي لطواليط و بغيت ندوش كنحس براسي كنتلسق .. الدواء و داكشي قنطني ...

حرك ليها راسو و عاونها حتى دخلات لدوش .. خرج مخليها على خاطرها تقضي غرضها بينما يقاد ليها هو فين غدي دوش و جاب ليها حوايجها .. مجات فين تكمل حتى لقات كلشي واجد عونها حتى حيدات حوايجها و قاد ليها ديك اللصقة لي ضد الما باش متتقاس الجرحة .. بشويا حتى دوش ليها غير بالخاطر مع بزاااااف ديال البسالات مقدرش يخبي شحال توحشها و توحش يحس بيها بين يديه و قريبة ليه .. عونها مرة خرى حتى لبسات هزها مخرجها حتى لبلاصتها و على رأسها فوطة حيدها ليها كينشف ليها شعرها بيها .. عطاها دواها و سوانى ليها الغراز غير بالخاطر حتى بدا يجرها النعاس و ترخااات عاد تصطح بلاصته منعسها عليه و راد البال لعنقها ...