#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 254
حالته ما بقاتش حالة انسان عادي ، كلام باه ضرو في خاطره حيت قاس ليه الحنينة و مكالمة بهية مع عمران زادت على ما بيه ، هو يالله كيقنع راسه بلي هي مزوجة لاش كل مرة تفكره ، حاليا في حالة متسمحش ليه يميز بين الصح و الغلط ، هز يديه على جهده حتى دخلها في الحيط بالاعصاب ، ديك الضربة خلاتها تقطع على عمران بلا وعي ، شويا ديال القوة لي بقى ليا صافي سلاه ليها ملي شافته جاي قاصدها ، غريزة الفرار خدمات بوحدها .. رجليها بداو كيرجعو باللور تلقائيا ، خطوة ليه هو لقدام كتقابلها خطوة ليها هي اللور حتى حبسها الحيط لي حطات عليه ظهرها ، وقف أمامها قرييييب ليها بزاااف حتى تخالطو أنفاسهم ... حط كل يد من جيه و هي جات وسطهم .. يديه لي ضرب مع الحيط عمرات بالدم ...، نزل عينيه ليها كيشوف فيها بشوفات قاسحة ، صدرها بالخوف كيطلع و يهبط ...
_ يعقوب : (طلق كلام هو مواعيش بيه ، الحروف كتخرج متقطعة بالاعصاب ) و ر اه عرفناك مزوجة ، ماااشي ضروري تف كريني ك ل مرة ، علاش كتباني في طريقي ، علاااااااش...!؟
كتشوف فيه بخوف ، الخوف لي ركبها في هذ اللحضة فاااات خوفها نهار غتاصبها ايوب ، كتحرك راسها بنفي لكلامه بغات غير تنطق الحروف خانوها و تاهو بين شفايفها...
_ يعقوب (زاد قرب ليه أكثر حتى انعدم الأكسجين بيناتهم) اش لي لا ااااش ..!؟ فينما نبغي نخرجك من عقلي كترجعي تستحوذي عليه كثر و كثر ، إلى انا انا تعذبت اش غدي تستافدي نتي امم ..!؟ ، خورجي من حياتي خورجي من عقلي خورجي من قلبي و حتى ديك الخدمة انا مساااااامح فيها بغيت غير ننساك نتي راكي محرررررمة عليا علااااش كنبقى نفكر فيك علاااااش....!؟
الدموع هبطو ليها بزز قدرات تجمع شويا من الحروف تبرر راسها و تعتقه منه ، راسها باقي كيتحرك بالنفي و شفايفها كيتفتحو باش يخرجو الكلام لي وحل ليها في الحلق ..
_ بهية : ( برجفة الخوف ) ااا نا انا ممم ممزوجاش و الله و الله ما مزوجة ..!
وقف في بلاصته جااامد مبقاش كيتحرق ، ديك الكلمة ديال انا ممزوجاش كدور في عقله بدا كيحرك راسه بهستيرية ممتيقاش ، جاب ليه الله بلي غير كتسايره و رضاته دري صغير ...
_ يعقوب : (هز يديه لي فيها الدم و حطها ليها على شفايفها حتى قاس الدقن ظيالها بالدم ) شششش ، متكذبيش ..! بلا كذوب انا شفتك شفتك بعيني عنقتيه و ما مرة ما زوج ركبتي معاه مزوجة نتي مزوجة ...
قربه منها بديك الطريقة خنقها ، كل شويا كيزيد يقرب كثر حتى لسق معاها و جا صدرو الصلب على صدرها ، حلات فمها باش تتنفس لكن بدون جدوى كل ما خدات نفس كول ما خدات ريحة عطره بين اعضائها لي رجفو بين يديه ، هزات يديها كيرجفو حطاتهم على صدره باش يبعد عليها لكن غير ما زاد لسق فيها كثر و خشى نيفه بين خصلات شعرها كيستنشق ريحته كأنه لقى ملاذه الاخير ..
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...