#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 331
الفرحة لي حسو بيها دابا كي عرفو رآه بهية نقزاتها و موقع ليها والو كبييييرة .. ما حسو غير بيعقوب سجد سجدة ديال الشكر كيحمد الله و يشكرو حيت رجعها ليه من جديد و ستجاب لدعواتهم .. منظرو خلاهوم يتبسمو من قلبهم حامدين الله لى شفى بنتهم و على نعمة الزوج لي عوضها بيه الله ...
ناض من بلاصته و الضحكة مشرگة ليه فمه .. تلف و ترون الفرحة دوخاته بغى يسول الطبيب على بزااااف ديال الحوايج و ما عرف باش يبدغ ... هز راسه فيهم كيشوف فيهم مشاركينو الفرحة و علاش لا هذيك رآه بنتهم .. رجع شاف في الطبيب من جديد ..
_ يعقوب : (بأمل كبييير و فرحة أكبر) ياك هي دابا مزيانة ما عندها لا مضاعفات لا والو .. يعني من بعد ما غدي تفيق واش مغديش يكون شي أثر جانبي لي غدي تبقى تعاني منه ولا تضرر ليها الاحبال الصوتية ..!؟
_ الطبيب : (حتى هو مبتاسم ليهم زارع فيهم الطمأنينة) الحمد لله ما عندكم علاش تشغلو بالكم كثر .. ضروري من شويا الديال المعانات حتى تبرى ليها بلاصة الغراز لي جمعنا ليها اللحم و غدي يكون عندها صعوبة في الهضرة حيت خاصها ضروري تحرك عنقها و غدي تعگر خاصها صبر و خاصكم نتوما الصبر معاها كثر .. غدي تقلق و غدي تأزم و كيف كنعرفو حنا النسا عزيز عليهم راسهم و ما كيبغيو حتى جرحة تكون فيهم و أكيد الغراز غدي يخلي أثر قنعوها شويا بشويا و غير بالخاطر و رآه عملية التجميل سهلات على الكلشي و بالشفاء العاجل إن شاء ...
مشى مخليهم عايشين فرحتهم و كلهم أمل تنوض ليهم بالصحة و السلامة .. هز وتين بين يديه يهضر معاها شويا و يوضح ليها الأمور باش تتهدن شويا حيت بان ليه باقي الخلعة مأثرة عليها ..
خرج هو وياها لجردة مخلي سعاد و مصطفى جالسين كيردو النفس من الخلعة لي ركباتهم ... جلس في كورسي جنب الكلينيك و وتين جالسة على ركبته مخشية فيه مخلوعة و لي داز من جنبهم و هضر بالغوات كتخلع و تقفز من بلاصتها ...
_ يعقوب : (حالتها معجباتوش) ششش بنتي تهدني ما وقع والو .. وتين شوفي فيا ا بابا شوفي فيا ...
مجوباتوش كتحرك راسها في حضنه بالسلب لسقات عليه .. هو كيجر فيها و هي زادت تشبتات بيه كثر لاسقة فيه .. بزز باش قدر يبعدها عليه شويا ، لبقاها مفزكة و جهها بالدموع .. ضرو قلبه على حالتها ، مد يديه كيمسح ليها الدموع بحنان و ملين صوته و عاطيها الخاطر باش تفهم اش بغى يقول ليها ...
_ يعقوب : (شد وجهها بين يديه باس ليها راسها) صافي ا بنتي ما وقع والو علاش هذ الحالة كاملة ...!؟
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
