#الشرف#
⚪دماء شرفي⚪
Soukaina soulaika
البارت 141
لي فهمات من كلامه انه حالتها كانت مخلياهم يشفقو عليها ، و تغير تصرفاته معاها حيت تفكر ماماه في ديك الوقت و كيف تعدبات ، داكشي باش عيونها ، منساتش خيرهم ووقفتهم معاها ، لكن شوفات زينب ليها و غيرتها لغير مباشرة داب فهمات سببها ، تصرفات عمران خلات زينب تشك انه بيناتهم شي حاجة ، ما بقاش فيها الحال ملي عرفات سبب المشكل منين ، و لي خاصها ديرو هو تقطع للمشكل الجدر دياله ، هذ المرة ما رتباتش كلامها ، بالعكس قسحات معاه باش توصل ليه اش بغات ....
_ بهية : بما انه حالتي تحسنات و وليت بيخير ، فكل شكر ليك على وقفتك معايا و شكرا حيت حسبتيني ختك و هزيتيني ، لكن نت دابا غدي تتزوج و حتى وحدة ما غدي تبغي تشوف راجلها كيعامل وحدة غريبة أجنبية عليه بهذ الطريقة ، اكيد غدي يجيبها الشك انه كينة شي حاجة ، و زينب انسانة مزيانة و ملي غدي تشوف بحال هكا اكيد غدي تغير و ميعجبهاش الحال ف من الاحسن كل واحد يشد تيقاره احتراما ل مشاعر الاخرين ، و الحمد لله انني قدرت نوض من جديد و نبني حياتي ، ما بقى ليا والو و نمشي ل داري ، ما بغيتش نخلي الصداع للناس لي تهلاو فيا و دخلوني من زنقة ، انا غدي نبني مستقبلي مع عائلتي حتى نتوما بغيت نخلي ليكم الهنى و الراحة ......
من بعد هضرتها سكت ما لقى ما يقول ، رجع في دماغه تصرفاته معاها ، تأكد انه فعلا بالغ في ردود أفعاله و لي شافهم هكاك اكيد غدي يمشي باله بعيد ، و زينب ، زينب اكيد غدي تغير و يبقى فيها الحال ، تزير في هذ اللحظة و ما حملش راسه ...
طول الطريق ملتزمين الصمت كل واحد فاش كيفكر و دماغه في كين ، وقف اللوطو حدى دار كيتسناها تنزل ، نزلات سادة من موراها الباب في صمت ، حتى كتشوفو حرك الروايض من تم ....
توجهات لدار كدق حلات ليها وصال الباب ، دازت من حداها بلاما تهضر ، وقفات على مها في البيت لقاتها يالله بدلات ل مصطفى حوايجه.....
_ بهية : ماما الى ساليتي بداي تجمعي حوايجك و حوايج بابا ، غدي نبدا نحولهم بشويا ل دار كي يسالي العرس غدي نمشيو ديريكت ل دارنا
سلات كلامها و خرجات من عندهم مخلياهم غير كيشوفو ، داكشي لي قالته ل سعاد طبقاته حتى هي ، جبدات الفاليز ديالها كتعمر فيها الحوايج ديالها و تحط و دماغها خدام ، كتفكر فانها تحيد هذ السوء الفهم و النظرة لي واخدة عليها زينب
#الشرف#
⚪دماء شرفي⚪
Soukaina soulaika
البارت 143
واقف قدام دار زينب كيتسناها تنزل عنده ، فاش وصل بهية صونا عليها باش يهضر معاها ، مكانش بزاف ديال الوقت حتى كيشوفها جاية كتعقد في حزام المونطو لي لابسة فوق من البيجامة ، حلات الباب راكبة بالنفخة ...،
أنت تقرأ
💕💕 قصة الشرف 💕💕 بالدارجة المغربية
Literatura Feminina#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
