#الشرف#
⚪دماء شرفي⚪
Soukaina soulaika
البارت 156
حل ليهم ، مخلي ليهم المجال منين يدخلو الاثاث ، حطو ليهم كلشي گاع لى شراو وصلهم ، دابا بقى ليهم التستاف و الترتيب ، خواو اليوم باش يتكلفو بكلشي ، ما بغاو حتى شي حد يعاونهم بغاو يعيشو ديك اللحظة الرأس في الراس ،
حيدات وصال الشال لي كانت دايرة جامعة شعرها الفوق ، ما حسات بيه حتى طلق ليها شعرها ، ضارت عنده باش يعطيها البانضة باش تجمعو لكنه علا يديه لفوق ....
_ وصال : ولا ا مصعب عطيني البانضة راه باقي تابعنا بزااف ديال الحوايج و دابا غير كنضيعو الوقت
_ مصعب : الى بغيتيها تجبدي ليها و ديها الآلة حلال عليك
_ وصال : مصعب من نيتك كي بيت ندير ليها راك طول مني
زاد علا يديه كثر مخليها كتتجبد على قرون صباعها كثر ، حتى ولات لاسقة عليه ستاغل الفرصة و دور يديه على خصرها جارها ليه ، ما حسات غير بشفايفه على شفايفها ، خدا شفتها التحتانية بين شفايفه كيجرها ليها ، يديه لي حاكمها بيها من خصرها زيرها عليها حتى تأوهات داخل فمه ، فاتحة المجال للسانه يتسركل داخل فمها ، حتى مص ليها ريقها ، ما قنعاتوش شنوفة وحدة بل زاد الثانية كيمص فيهم و يعاود طاح عليهم طيحة العطشان لي لقى الماء في الصحراء...
كتحس بالفراشات كيدغدغو داخل كرشها ، واحد الحلاوة و الاحساس في شكل عمرها جرباتهم في حياتها ، بدون شعور منها زادت قربات منه حاطة يديها على كتافو و فين ما جر ليها شفايفها كتورك عليهم ، النفس فيها تحبسات حتى هزات يديها من على كتفه كتضربه باش يطلق منها او يعطيها مجال فين تتنفس
رخى منها عاطيها فرصة باش تاخد كمية من الأوكسيجين تعمر بيه رئتيها ، حط جبهته على جبهتها كيتسناها تشوف فيه ، هي لي عاد حسات براسها و اشنو وقع بيناتهم ، راسها في الارض خشاته من شدة خجليها ، و بكلامه زاد كمل عليها ...
_ مصعب : شفايفك وسحروني و الى وصلت لبلايص خرين اش ديري فيا ، هزي فيا عسيلاتك خليني نغرق فيهم الشهبة ، حلوة حلوة ا بنت الناس ...
بسبب البوسة كتنهج حيت تقطع فيها النفس و بكلامه خلاها تحبسه مرة خرى ، بدات تترطى بين يديه باش يرخيلها ، بغات تهرب من بين يديه محتاجة تبقى بوحدها باش تستوعب اش طرى ، و لي بغات وقع كي رخاها من بين يديه طارت من حداه في اتجاه الدوش
#الشرف#
⚪دماء شرفي⚪
Soukaina soulaika
البارت 157
ترتيب الدار خدى ليهم تلات ايام ، هذ التلتيام وصال عرفات مصعب اخر ، مصعب لي عجبها وولفاته ، يوم بعد يوم كيدوز غير في جري عليا و نجري عليك ، رواين العرس ما خلاوش ليهم فين يحكو ريوسهم كلشي داير يديه ، بهية كي دخلات السلعة جات جلسات معاهم في الدار لي دارتها وصال يديروها بثلاتة اما حتى زينب شادة تيقارها و كتشوف غير من بعيد و دير مقارنات بينها و بينهم ،
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
