#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 289
مصائب قوم عند قوم فوائد ، المصيبة ديال هذ الزواج جات على كوثر لي كتبغي الباطرون ديالها في الخدمة و الفوائد على بهية لي فرحانة بزواجها بالسيد لي بدا يقتاحم قلبها ، كل كلمة تقرات بفاتحة زواجهم كانت مقابلها دمعة من عين كوثر لي واقفة مصدومة في بلاصتها حدها تطرفات على جنب بعيدة شويا على الانضار لكن وصال قشعاتها ، خلات التهاني و المباركات بين العائلتين و خرجات جارة ختها مبعدة على الصالون و هذا مدازش على عمران لي شاف كلشي بعينيه و تبعهم ...
_ وصال : ششش ويلي مالكم اليوم على البكا و الصدمة اش واقع ..!؟ كوثر الرجوع الله حبسي و شرحي ليا اش واقع ..!!
_ كوثر : (كتحس بقلبها كيتقطع طراف طراف بين عينيها غير المشهد ديال بهية و يعقوب لي مبتاسمين لبعضيلتهم و فرحانين ، دموعها كينزلو بغزارة معبرين على حزنها ، كتحس بقلبها شاعلة فيه العافية) وصال اختي انا انا ممزياناش انا خايبة اختي خايبة منسواش .. عقلتي على النهار لي جبت فيه عندك فرحانة و كنقول ليك اخيرا لقيت فارس أحلامي اخيرا لقيت الراجل لي يناسب مواصفاتي ياك اختي عقلتي بالايمارة كانت معانا حتى بهية ياك باقي عاقلة ..!؟
وصال كتحرك راسها في الاتجاهات بزوج النفي و الايجاب ، بدات تستوعب اش واقع ، غمضات عينيها سامحة لدمعتها طيح مساندة ختها ، ضماتها لعندها كطبطب على ظهرها ، و قلبها تحرك على حالة ختها ...
_ كوثر : (مكملة على بكاها ) انا ممزياناش حيت بغيت راجل ختي انا ممزياناش حيت حطيت عيني على راجل ختي انا أنانية لي فكرت في راجل ختي و لكن و الله و الله ما عرفت واش بيناتهم شي حاجة ، شفتيهم كيف فرحانين شفتيهم ، هي غدي تتزوج بالرجال لي بغيت انا و حلمت بيه يكون راجلي ، هي الويوم تقرات فاتحتها معاه ، انا حمارة حمااااااارة لي فكرت في راجل ماشي ليا ،....
تجرات من حضن ختها ، ستنشقات ريحة خوها و قلبها زاد فحدة ضرباته ، هزات عينيها فيه حمرين بالدموع ، عينيه مخنزرين فيها مقصح فيها الشوفة ....
_ عمران : هذ الراجل لي نتي كتهضري عليه دابا هو صافي تحسب من اليوم راجل ختك ، سمعتي يعني حراااااام انك تشوفي فيه ولا تنوي شي حاجة سنمعتيني ياك ...!؟
_ كوثر : (كتحرك راسها بعنف) سكت سكت ما تقولش عليا هكا كتسمع ، اه اه انا بغيته لكن ماشي مسخة باش نفكر فيه ، عارفة بلي هو اليوم تحسب على ختي و لكن حس بيا حس بيا ماشي ساهل عليا و الله ما سهل عليا ، عفاك ا خويا عفاك عاوني عاوني نخرجو عرفتي قلبي كيضرني و صال اش ندير اختي ، خودو قلبي خودوه سكتو گاع الاحاسيس لي فيه رآه كيضرني بزاف و الله حتى كيضرني و انا منقدرش نصبر بهذ الالم اخويا رآه كيضرني بزااف الم صعيب صعيب بزاف عفاك عاوني اخويا ااااا قلبي كيضرني
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
