#الشرف#
⚪دماء شرفي⚪
Soukaina soulaika
البارت 67
_ حليمة : اش هذ الكلام ابنتي ، علاش كتقولي هكا مرحبا بيك الله اودي
بهية باقي الحشمة عليها مأثرة خاصها بزاف باش معاهم تتأقلم و عليهم تولف
_ بهية : براك الله و فيك اخالتي ، شكرا
_ حليمة : بلاما تشكريني ، عادي
كوثر باقي اسئلتها ما سلاتش ، كون ما حليمة لي عليها خاسمات كون عودات جددات ليها الكارط ناسيونال ، ....
_ حليمة : صافي كوثر باركة من الاسلئة الى بديتي ا بنيتي اجا محبسك
من بعد كلامها ، كلشي ضرب الطم ، و لتازمو الصمت ، بعد نصف ساعة وصلو للدرا الكل هبط الا وصال لي غدي دخل اللوطو للگراج ، حاسة بالعية ديال الدنيا و دين ، باقي ل دابا صوتها متسمعش بخصوص بهية ما عرضات على مجيتها معاهم ما وفقات التزمات الصمت ولي تحت راسها هي و ربي لي عالمينه......
جراتها كوثر موراها مرة خرى و هي جارة ڤاليزتها ، كي دخلو لدار حسات نفسها تهدنات ، و اخيرا دخلات لشي دار لي فيها ترتاح ، واخا باقي عندها تخوف و توتر من جبهة هذ الناس شئ طبيعي ، باقي عليهم ما تعودات ......
سمعات حليمة كتهضر مع كوثر و توصيها توريها البيت لي ليه تنعس حتى جاهم صوتها من اللور هي لي اخيرا قررات تهضر و تفصح ولو على القليل لي في بالها
_ وصال : شوفي اختي هاهي كوثر توريك فين ترتاحي و خودي دوش ريحي عضامك ، من بعد كلنا غدي نتجمعو هنا باش نعرفوا قصتك ، من حقنا نعرفو لدرنا شكون دخلنا ، دابا مرحبا بيك في ضيافتنا ،
كي سلات كلامها بالضهر عطاتهم ، متوجهة لبيتها ترتاح حتى هي و تعرف حكاية هذ الغريبة عليهم .....
#الشرف#
⚪دماء شرفي⚪
Soukaina soulaika
البارت 68
العشرة و نص ديال الصباح ، جالسة في البيت لي عطاوها بعدما خدات دوش رتااحت فيه مزيان حسات براسها بحالا عام ما غسلات ، شي وسخ منها خرج فيه تصدمات ،
لبسات من الحوايج لي عندها بيجانة طويلة نص كم و حد الركبة ، نشفات شعرها مزيان لي عاد بان لونه الحقيقي زهر يشعشع ، بقوة العذاب لي دوزات ولات حالتها حتى لونها بهات ، اما دابا فاش تنقات عاد بانت وخا ضعافت على كيف كانت لكن باقي في راسها شادة
كلام وصال ليها زرع فيها خوف ما عرفاتش علاش لكن جاتها صارمة بزاف ، و باينة كلمتها لي ماشية في الدار ، عجباتها شخصيتها وخا بقى فيها الحال خافت كي يعرفو قصتها عليها يجريو وهي ما تيقات بلي راها لقات فين تبات
أنت تقرأ
💕💕 قصة الشرف 💕💕 بالدارجة المغربية
Literatura Feminina#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...