#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 231
قبلة الجبين ليها بزااف ديال المعاني ، و اي شخص ستعملها كتكوت عنده دلالة خاصة و بيها و عن طريقها كيوصل اش بغى ،مثلا أنها كتدلّ في كثييير من الأوقات على الاحترام لي كيحمله الشخص في قلبه تجاه الآخر، بحيت يمكن للرجل أن يقبّل زوجته في جبهتها قبل ما يخرج للخدمة مثلا ....، و بهذ الطريقة يخلي ليها انطباع مليء بالحب و الاشتياق دياله ليها ....، و كذالك كتعتبر رمز كيييير لاحترام الوالدين ، أو يمكن تكون كدل على التقدير ، تقدير الزوج للزوجة أو الابن للام و الاب او الأبوين للابناء ...، هذ القبلة متحبساتش هنا بل زادت على الاحترام و التقدير حتى الخوف أو الشعور بالمسؤولية مثلا ...، يعني هذ القبلة كنستعملوها مع الناس لي كيهونا و مهتمين بحياتنا و كيعنيو لينا ....
لكن الفرق هنا أن ديك القبلة لي عطى يعقوب لبهية ماليها حتى معنى بالنسبة ليها هي ، اشنو كيجيها باش يبوسها بديك الطريقة لي وصلات ليها بزاف ديال المشاعر و خلاتها في حيرة ، ما هو راجلها لي خايف عليها و على بنتها و كيحاول يصبرها بديك الطريقة أو باها لي مسؤول عليها و كيعتذر على لي وقع لبنتها و لا مها لي تهز بيها الدقة عليها و تخفف من همها و تحس بيها عن طريق ديك القبلة و لا حتى خوها لي يتقاسم معاها همها و يقول ليها انا معاك ، علاش عطى الحق لراسه و تصرف بديك الطريقة اشنو معنتها ....، تصرفه معجبهاش و طبيعي ميعجبهاش و دخل ليها تناوي و جاها مع هذ الكارثة لي فوق رأسها و هي مرونة مع بنتها لي باقي داخل غرفة العملية ...،
تنهدات بصوت مسموع كتحاول تستمد ولو شويا ديال القوة غير شويا باش تزيد في مواجهة ضربات الحياة ليها ...
تقدمات لعند داك الولد بعد ما تهدنات باش تعرف اش واقع و كيف طرى لبنتها حتى دارت كسيدة ....؟؟
_ بهية : (بملامح متعبة ) دابا انا بغيت نفهم كيف وقع لبنتي...!؟ اش وصلها لزنقة حتى دارت كسيدة في الساعة لي خاصها تكون فيها داخل القسم ...!؟
لا المديرة هضرات و لا الأستاذة ، بقات واقفة مربعة يديها كتتسنى رد على سؤالها و فجنبها سعاد و مصطفى ... ، حتى خضر داك الولد مول الموطور ...
_ اختي انا نقول ليك كيف وقع ، انا معرفتش اش خرجها من المدرسة اصلا ، دايز عادي كيف العادة من الطريق بيخير و على خير حتى كنشوف واحد البنت قاطعة الشانطي يجهدها كامل و حاطة يديها على ودنيها و كتغوت ، كلاكسونيت حتى عيت والو ، ما جيت فين نحبس الفران حتى قطعات عليا الطريق و مدركنيش الوقت باش نوقف الموطور و دخلت فيها ، فاش طحت و نزلت عندها كانت باقي فايقة و الدقة كلاتها في جبهتها ، سمعتها كتقول لا لا بالغوات و حتى خرجو هذ الزوج كيجريو و كيعيطو على الإسعاف و بنتك جات فايقة حتى دخلات عاد دارو ليها المهدءات باش تخليهم يفحصوها و يشوفو شنو عندها ، و الله اختي لافوت ما مني بنتك لي خرجات في طريقي ، درت جهدي كامل باش منضربهاش لكن الوقت مسعدنيش و طرى لي طرى و إلى متيقتينيش رآه الشارع لي وقع فيه الكسيدة عامر كاميرات و شوفي بعينيك ....
أنت تقرأ
💕💕 قصة الشرف 💕💕 بالدارجة المغربية
Чиклит#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
