#الشرف#
⚪دماء شرفي⚪
Soukaina soulaika
البارت 111
الخطبة نهايتها كانت مشحونة و الجو تكهرب ، كلشي لاحظ تصرف عمران فاش عطاو ل بهية تشرب من حليب العرسان ، زعما فال زين ، عوجوها كيف بغاو ، حتى العروسة معجبهاش الحال ، و تزيرات بزاف ، لكن حولات ما تبينش ،
تدخلات حليمة ، كضحك باش تهدن الجو ، قالت انه عمران ما بغاش يزوج خواتاته ، حيت حتى وصال و كوثر ما شربوش نوبتهم باقي ما وصلات ، هكا ضمسو القضية ، باش ميخسروش فرحتهم ،
اما هو راه ما قصد بتصرفه والو من غير خاف لا تعيف تاني و تبقى ترد او تتأثر من كلامهم ، زعما العزبة لي تشرب و هي في الزواج فايتة ، هذا علاش تدخل و جارها وراه بطريقة عفوية ، هو راه فعلا حاسبها خته لا غير ، قلبه عامر ب زينب ، كون عينيه في بهية كون هي نيت لي يتزوج ، ياك داك لي كان رابطها معاه مات و هي دابا حرة ديال راسها .....
عائلة العريس في سياراتهم راجعين للدار ملي سلات الخطبة ، ضاربين موعد العقد و العرس من بعد شهر ، كلشي عارض هذ الزربة لكن عمران اصر على انه يدير كلشي في نهار واحد و من هنا لشهر ، حتى زينب ما عرضاتش بالفرحات عليها تجمع هي و ياه تحت سقف واحد......
جالسة في بيتها من بعد ما بدلات حوايجها و طرفات حالتها ، كتحس بالعيا بغات غير تحط راسها على المخدة و تنعس ، لكن ما نعساتش ، عقلها رجع ليها كلشي لي وقع ، دوك التقاليد و العادات و فاش كيكونو خارجين يتقداو جهاز زينب ، كلشي تفكراته ، هي معاشت حتى حاجة من هدشي ، معقلات گاع كي داز داك العرس ، خشات راسها تحت مخدتها كتكتم في بكاها ، كتندم في راسها على زربتها ، ماشي اول مرة يوقع ليها هكا ، من نهار شافت الزواج و تقاليده على حقه و طريقه ، وشافت الناس فين واصلين ، مسبقين مستقبلهم ، كتفكر قبيلة عمران كيف كان كيتعامل مع زينب و الفرحة لي بين عينيه و أسلوبه معاها ، و عائلتها كيف مكبرين بيها ......
#الشرف#
⚪دماء شرفي⚪
Soukaina soulaika
البارت 112
كتكسل في فراشها ، خرجات يديها من تحت الغطاء باش طفي المكانة ، تجبدات مزيان ، كتحل في عينيها باش تصحصح ، تگعدات من بلاصتها بزز ، العياء ديال هذ اليامات رجع عليهم كاملين، كون ما خدمتها لي ملزومة بيها ، تبقى غير ناعسة في بلاصتها ......
ناضت في اتجاه الدوش تتوضى حيت ما فاقتش ل صبح واخا سمعات عمران كيدق عليها لكن ما قدراتش تنوض تصلي و حتى هو ما يقدرش يدخل عندها لبيت احتراما ليها لا ماتكونش لابسة حوايجها .....
وجدات راسها و جمعات مستلزماتها ، اليوم عندها المحكمة ، خاصها متتعطلش ، دازت على بهية هي الأولى تفيقها على حساب العملية لي عندها ، كانت غدي تمشي معاها لكن ملقات كي دير
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
