#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 276
في صالون عادي على قد الحال ضاير بالطلامط قدام شويا ، الشوفة فيه تبين أن مالين الدار ما فحالهمش ، لكنه نقي و متول ، صوت الطرب مطلوب خفيف صوت الضحكة و الفرحة منباعتة من دار كاملة ، مبينة الفرح لي موجود اليوم ..
صالون العامر بالجارات لي جاين يباركو لعروسة زواجها ، كل وحدة من برزات اش تقول .. و الفضول قاتلهم باقي ما نقاو سنانهم من لحمها لي نهشوه بطلاقها حتى ضبرات دابا على الراجل ...
_ المرأة ١ : ايوا ها نت تشوفي كيت بناتنا حنا ، هاهي مطلقة و جابته حنا عندنا غير الخراجة على ختها حتى وحدة ما تنفع .
ولا تحمر الوجه ...
_ المرأة ٢ : هانتي تشوفي و حلات ليها بعدة البرزة ، هدي هي لي صيفطات مها و الراجل الحبس ، هاهي جالسة مناقصها خير ، ياك ديك المرة قلت ليك شفت شي طوموبيل حطاتها في ليل ، قلتي ليا هي ماشي ديال هادشي ..
_ المرأة ٣ : ايوا قلنا بنت دارهم ، بعدا عمتها ما نساتها رحبات بيها في دارها و دارت ليها ليلتها .. صافي سكتي و سمعي صوت الدقايقية ها العريس جا واقيلة ...
گاع لي جالس في الصالون بداو كيسمعو صوت الدقايقية ، الخلعة راكبها كلشي داز فرمشة عين ، تافقت معاه حتى يرجع من السفر و ترد عليه الخبار و ملي جا و هو فارع ليها راسها و غير عطاته الموافقة جا دوا فيها هو و حليمة و زرب عليهم في الخطبة لي جمع مع العقد و اليوم هاهي بارزة تتسناه يدخل باش يطيحو العقد ... تافقو على العرس مبغاوهش فظلو ليلة بسيطة يجمعو فيها الناس غير على الاشهار و صافي ...
قدام الباب عائلة العريس فرحانة و ناشطين ليه ، اخيرا عمران من بعد سنين دازت على طلاقه ها هو اليوم غدي يتزوج مرة خرى ، واقفة وسط الدقايقية كتشطح بكتافها و وتين كدور بجلايلها حتى جراتها وصال مبعداها على الصداع باش تعضر معاها ...
_ بهية : اشنو بغيتي ا صاحبتي اه بغيت نشطح ..!؟
_ وصال : تشطحي !! كيف طرا و جرا ، ياك ما كتبغيش .. و فين هد التعطيلة بعدا ..!؟ انا مفهمتش فين وليتي كتغطسي مأخرا ، شي حااااحة تما مخبياها عليا ياك ...!؟
_ بهية : يهديك الله اش كين ، رآه تعطلت غير في الروضة و رجعت حتى لدار غسلت من التراب و بلدت لبست قفطاني و وجدت راسي و جيت عندكم ، عرفت راسي عطلتكم و لكن رآه ماشي لخاطري ..
_ وصال : عليا انا ، جيني لصارحة اش كين ا بهية ..!؟ وليتي كتخبي عليا ياك ...!؟ صافي اختي سمحي ليا مقلت ليك والو غير خبي و زيدي خبي ...
أنت تقرأ
💕💕 قصة الشرف 💕💕 بالدارجة المغربية
أدب نسائي#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
