#الشرف#
⚪دماء شرفي⚪
Soukaina soulaika
البارت 104
فحال صدمتها فحال صدمتهم ، اش صيفت ليها عمران و علاش هي لي يسيفط ليها .....
في وسط صدمتهم حلات ديك الكارطونة مخرجة منها قفطان هماوي زوين ، كي شافته طلقات ضحكة مجهدة فرحانة بيه و ما قداها فرحة عنقاته ل عدنها كتنقز بيه و ضحك حتى ضحكات معاها حليمة و بناتها ، نزلات من فوق السرير بالزربة حتى شداتها حليمة كتخاسم عليها على التنقاز ....
_ حليمة : الله يابنيتي الله و باركة عليك من التنقاز
_ بهية : انا فرحانة بزاااف ناري خويا عمران عذب راسه مسكين و لاهيلا لهلا يخطيه گاعما نساني وخا اليوم خطبته
_ حليمة : و علاه كين لي ينسى خته ، بصحتك ابنتي ، يالله لبسو البنات و طلقو راسكم مشى الحال
قبل ما تخرج تخليهم يلبسو ، عنقاتها بهية كتشكر فيها بهمس بينها و بينها ، و تمخشش فيها و تشم ريحتها كترتاح في حضنها الى كانت فرحانة مخشية فيها و الى كان طالع ليها الدم مخشية فيها .....
جالسة على الكرسي وسط البيت قدام المراية ، عاطية و جهها لكوثر كتقاد ليها المكياج ، من بعد ما لبسات القفطان و جاها غزال مع بيوضيتها و فصالتها ، خلات شعرها مطلوق على طولو زعر يضرب ليها ل مؤخرتها ،
كل ساعة تنكر على كوثر ، اي بشوي لا ماشي هكاك لا نتفتيني حتى فقصاتها عاد زگات مع داك مسكتاتش من النگير ....
وصال سالات لبسها و قادات غير مكياج خفيف و بزز ، دارت الشال لي يجي مع القفطان حتى هي عطات حقها في الزين ، كلشي واجد و مسكسف على الحالة الا كوثر لي باقي واحلة مع بهية القفطان و لابساها ايوا المكياج باقي مدارت والو ، يالله تكمل ل بهية لي فتناتها ، يخ منه و عيني فيه هي لي دايرة ليها ، نتي مكنحملكش و لكن بغيتك تقادي ليا المكياج .....
#الشرف#
⚪دماء شرفي⚪
Soukaina soulaika
البارت 105
داخل بيت العروسة لي بارزة في بلاصتها كتتسنى في اهل العريس يوصلو ، كلشي موجود على حقه و طريقه ، اخيرا جا النهار لي غدي تتخطب ل الشخص لي بغات ، شحال دوزو مع بعض ، كان راجل و حلف ل غيره ما تكون و هاهو اليوم غدي يوفي بحلوفه ....، لابسة قفطان ديال العرايس بالابيض مطرز بالفاسي ، ديال الحنة ،
كتبتاسم لضيوف لي جاو يشاركو معاها فرحتها ، قدامها الطبلة ديال الحنة مع القوالب ديال السكر لي منقوش عليهم سمياتهم ، دوك السميات لي بالنسبة ليها وتاو بعضياتهم ، زينب عمران ، فرحانة بشفتهم مجموعين على قالب واحد ......
بالقرب من الدار تسمع صوت الدقايقية بالدقة المراكشية ، العريس قرب يوصل كلشي ناض يوجد لاستقبال اهل العريس احسن استقبال ، حسات بدقات قلبها في ارتفاع ... كرشها بقوة التوتر عليها ترونات ، جات عندها ختها حتى لعند و دنيها كتهضر معاها .....
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
