#الشرف#
⚪دماء شرفي⚪
Soukaina soulaika
البارت 146
العرس على مشارف النهاية ، العريان ضمسو القضية بيناتهم حتى واحد ما شك أن شي حاجة واقعة معاهم ، النشاط حاضر كلشي فرحان و ناشط ناس مكشطة ، ما كين غير بان عليا نبان عليك ، العشاء تحط كلاو حتى شاط الخير ،
جالسة معاهم في نفس الطبلة ، ما رشقة ليها على والو ، عقلها كيفكر غير في فراقها مع هذ العائلة الطيبة لي ما شافت منهم غير الخير ، كتشوف في عمران لي كيبتاسم للناس ، كتتمنى ليه من كل قلبها السعادة و ما تكونش سبب في انها تخسر ليهم علاقتهم ،
ناضت من بلاصتها في اتجاه البيت لي كتبدل فيه زينب ، شافتها فاش ناضت تلبس اللبسة الأخيرة ، حتى كتوقفها وصال مسولها ل فين غاديا
_ وصال : فين غاديا ؟ واش عيتي
_ بهية : لا ما عيت والو هاني جايا غير من هنا ، بغيت الطواليط
حركات ليها راسها ، مخليها دير لي بغات ، طالعة مع الدروج لي كيديو للبيت لي فيه كتبدل ، وقفات قدامه كتجمع شجاعتها للمواجهة ، كلشي لي غدي ديرو على قبل داك الانسان لي رحب بيها داخل عائلته و عطاها مكانة كبيرة و وقف معاها ....، كي سمعات الاذن بالدخول حلات الباب داخلة ل داخل
جالسة في الكرسي قدام المراية كدير ليها الكوافورة اخر اللمسات في المشطة لي ماشية مع الكسوة ديال العرس ، حتى كنسمع الدقان في الباب ، غير عطات الاذن و شافت شكون دخل ناضت من بلاصتها واقفة ....
_ بهية : سلام ، زينب واش ممكن نهضر معاك شويا ما غديش ناخد من وقتك بزاف و على انفراد واخا ؟؟
شافت في لي معاها في البيت سامحة ليهم باش يخرجو ، من حركتها فهمات انها وافقات تسمع ليها ،
_ بهية : في الصارحة معرفتش اش غدي نقول ليك ولا منين نبدا ، لي مهم و خاصك تعرفيه هو انه ما بيني و بين عمران وااالو عمران معتبراه خويا لا غير ،اصلا لي بحالي مخاصهمش يفكرو في الزواج ، كنتمنى انه ما تحسبيش تصرفاته معايا غلط ، هو راه كيبغيك بزاف انسان بحال عمران قليل تلقيه ديك العائلة كلها متتقدرش بثمن نتي دابا داخلة ل عندهم عروسة لي بغيت منك هو تبغيهم كيف كتبغي عائلتك ، انا ما بقى ليا معاهم والو ، النهاري الاخير هو هذا ، خليت ليك ديك العائلة امانة ايستاهلو غير الحاجة زوينة ، ماشي ساهل عليا نمشي و نخليهم لكن باش تلقاي راحتك كثر و يرتاح عمران مساعدة انني ننساحب من حياتهم ، الله يكمل عليك بالخير و مبروك عليكم ، خليت على خير .....
#الشرف#
⚪دماء شرفي⚪
Soukaina soulaika
البارت 147
جالسة في بلاصتها ، كتشوف الاجواء النهائية للعرس ، مرة تشوف فكوثر و تتفكر اش دوزات عليها و مرة في مهدي لي غير يشوفها كتشوف فيه و يهمس ليها ب باربي و يسيفط ليها بوسة في الهواء ، مرة تقلب عينيها ل حليمة قلب الحليب ، الصدر الحنين لي حضنها واخا عليها غريبة تهلات فيها و قفات معاها ، محسات براسها حتى من بلاصتها ناضت و بجانبها جلسات حاطة راسها على صدرها ، خلات حليمة ضحك من قلبها ، ضماتها حتى هي كتر ليها ، تمخششات فيها كتشم ريحتها ، هزات راسها كتشوف فيها ، هضرات معاها معبرة ليها على مكانتها الكبيرة في قلبها
أنت تقرأ
💕💕 قصة الشرف 💕💕 بالدارجة المغربية
Literatura Feminina#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
