💕💕 قصة الشرف 💕💕 بالدارجة المغربية

😊 الفصل 50😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 263

خارجة من المكتب بعد يوم متعب في البيرو مكانت عندها حتى شي جلسة في المحكمة خدمات غي في البيرو .. ديمارات اللوطو منطالقة في الطريق غادية في امان الله حتى كتشوف لوطو خرى تابعتها من اللور كتكلاكصوني عليها باش توقف ، تخلعات و معرفات اش دير زادت في السرعة مبعدة عليها حتى كتفوتها و حبسات عليها الطريق خلاها بزز منها حتى هي تحبس في اخر لحظة ..

منزلاتش بقات في بلاصتها سدات عليها البيبان من الداخل خوفا من اي حاجة ، كتسنى تشوف شكون ينزل حتى كتشوف يعقوب نازل جاي قاصدها كيتعنگر في المشية ، غير شافته و هي تفكر البوسة لي منستهاش و دابا زاد كمل عليها بهذ الفران لي حبس بيه الطريق عليها ..

وصل عندها كيدق في الزاجة و كيدير ليها حركة بيديه باش تنزل و لا تفتح الباب و هي كتشوف قدامها و مربعة يديها ممسوقاش ليه ، حتى عاود دق شافت فيه مسولاه بالاشارة اش بغى و جاوبها حتى هو بالاشارة بلي باغي غير يهضر معاها ، تنفسات مزياااان مصبرة راسها عاد حلات الباب نازلة لعنده بشويا عليها .. وقفات حتى هي قدامه كتسناه يقول ليها اش بغى منها ..

_ يعقوب : (عاقد حجبانه من الشمس ، كيشوف فيها كيف مخنزرة فيه جابت ليه غير الضحك ملامحها ماشي ديال التغوبيش ) السلام عليكم ، بهية صافا عليك .. !؟

_ بهية : وي صافا صافا شكرا .. !

_ يعقوب : الحمد لله ، عندك شي وقيت بغيت نهضر معاك فشي حاجة ضرورية .. !؟

_ بهية : (بإحراج هي معندها والو ، لكن متقتش فيه باش تعطيه وقت و تهضر معاه .. ، جاته نيشان) ايه مسالية بالحق ما عندي فاش نهضر معاك و بمعني آخر متيقاش فيك باش نهضر معاك .. الخدمة لي جامعنا ديك المرة قلتي ليا غدي تفسخها و من الاحسن إلى فسختيها في اسرع وقت باش نتهناو جميع ..

_ يعقوب : (بملامح جدية) وي عرفت بلي غدي يكون هذا هو الجواب ديالك ، من بعد اش وقع اخر مرة مغديش تبغي تتلقاي اولا تهضري معاها ، و إلى كنتي كتسناي مني نطلب منك السماحة على اش درت فأنا كنعتاذر حيت مدرتهاش من زمان ، يمكن فهمت الموضوع غلط و قررت انني نتخلا على اي حاجة تفكرني فيك لكن فاش فهمت كلشي هاني دابا كنقول ليك بلي مندمتش على اش درت ..

تصدمات من ردو على تصرفه لي دار .. خنزرات فيه و ضارت تطلع لوطو ديالها حتى جرها من يديها و قال ليها اخر حاجة كانت تتوقع منه يقولها ليها ...

_ يعقوب : بهية تزوجي بيا ..!؟

#الشرف

🥀منك و إليك انتمي 🥀