💕💕 قصة الشرف 💕💕 بالدارجة المغربية

😊 الفصل 31😊

#الشرف#

⚪دماء شرفي⚪

Soukaina soulaika

البارت 175

جات تركب تاني بلاما تهضر معاهم حتى وقفوها دارو السبة بلي حليمة تعطلات و خاصها تمشي و عمران لي غدي يديها حيت مزرروب حتى هو ، مشاو و خلاوهم هوما تما ، يالله بغات تركب باش ترجع حتى وقفاتها وصال طالبة منها تمشي معاها تقدي واحد الغرض و حيت عرفتها غدي ترفض قالت ليها نحطك في جردة تسنايني فيها حتى نجي عندك ما غديش نتعطل ، و داكشي لي كان حطاتها تم جالسة على احدى الكراسي كتتنهد كل مرة ، مرداتش البال الراجل لي جلس حداها ، حتى سمعاته هضر قفزها حيت كانت ساهية ....

_ شنو سبب لي يخلي بنت زوينة بحالك تتنهد بهذ الطريقة

شافت فيه طلعاته من راسه لرجليه ، ما بين عليه حالة شي واحد ما مزيانش ، قلبات عينيها من عليه بلاما تجاوبه ، تكات على الكرسي مربعة يديها ، لكن مستسلمش عود هضر معاها و نغزها بصبعو باش تتنتابه ليه ....

_ عرفتي شكون لي كيكون مهموم و حزين و يبقى يتنهد بحال هكا غير لي ضربو زمان مزياااااان وقسحه ، اما نتي بنت زوينة بزاف و باقي صغيرة عيشي حياتك علاش تسدي على راسك في كل هذ الحزن و تشاؤوم ، لي شافك يقول غير هارب عليها راجل و مخلي ليها قشلة ديال الدراري الصغار بلا مصروف ما لقات لا فين تعيشهم و لا ما توكلهم ، طلقيها في يد الله

و لتاني مرة ما كتجوبوش ، كتسمع في صمت بلا جواب و حتى هو كان متأكد انها ما غديش تجاوبه ، و حلف ما ينوض من تمت حتى تهضر

_ عرفتي الى بقيتي هكا غدي تخيابي ، و تحت عينيك يزيدو يصغارو و يزراقو ، ما غديش تبقاي زوينة بحال هكا ، شعرك غدي يتقصف شفايفك غدي يتقشرو ويبهات لونهم ، غدي تولي صفرة و ضعيفة و كتخلعي و تمرضي بجميع الأمراض ها سكر ها ضغط ها العصاب كلشي غدي دوزي منه و تمرضي راسك و لي معاك و ضيعي زينك و شبابك و لى معاك غدي ينفروك و تبقاي بوحدك حتى تموتي و ما تلقاي لي يوقف معاك و يغسلك و يدفنك ، مستعدة تجربي هدشي و تعيشيه ؟؟

هضرته ستفزاتها حتى غوتات عليه مسرحة ليها الهضرة : واش نت سوقك ، ديها في راسك

_ انا غير بقيتي فيا و جيت نصحك ، حيت كنعرف واحد السيدة حتى هي بحالك هاكا وقع ليها ، حتى نفرو منها ولادها و هربو منها ، حتى بقات بوحدها

هضرته فمكراتها في وتين ، واش زعما غدي تخلعها و تولي تنفر منها ، و هدشي لي بغى هو حيت عارف انه عندها بنت وقال يقيس ليها النبض بيها باش تتجاوب معاه و داكشي لي كان

_ بهية : و شن نو دارت من بعد و واش مرجعااتش معاهم كيف ك كانت

_ بيني و بينك رجعات كيف كانت ، ولكن راه خدمات على راسها حسنات من افعالها و راسها و عطات للراسها فرصة خرى باش تعيش حياتها و متوقفهاش كيف كانت دايرة قبل ، و شويا ب شويا بدات ترجع كيف كانت ، واش نتي كتلعتمي في الهضرة