💕💕 قصة الشرف 💕💕 بالدارجة المغربية

😊 الفصل 45😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 240

من نهار شافها و هو حاط عليها العين ، زينها نغمه ، سول عليها و عاود و عرف اش وقع ليها و بنت من هي و اش كدير في حياتها ، گاع خبراتها عنده ، نهار فكر في الزواج و قرر يبني حياته من جديد ، قرر يشوف بنت ناس لي تناسبه و تتقبله كيف هو ، ماشي تبين ليه في الاول و جه و من بعد تتيسف عليه ،

كيف ديما ضروري ليه ما يحضي الصالون فين خدامة ، ما كيرجع لدار حتي كيوصلها لدارها فين كارية مع الجيران ، هي في الطاكسي و هو تابعها باللوطو دياله ، مسطاسيوني قريب الباب كيتسناها تخرج حتى كتلمحها عينيه خارجة كتخطوي بالزربة باش تلحق الطاكسي حتى كيوقف عليها واحد مقفزها ...

_ اميمة : (حاطة يديها على قلبها بالخلعة) هاااه خلعينيني اش بيتي تاني ...!؟

_ ياك هربتي حتى عيتي و هاني عرفت فين كينة ، شنو زعما نتي مطورة غير دخلتي خويا الحبس و سلتي ، هانتي حصلتي دابا اش ندير فيك امم...!؟

_ أميمة : (الخلعة قالتها لكن دافعة الجبهة ) اش عندك ما دير يا الخانز بحالك بحال خوك كلب يستاهل الحبس ، كون جات عليا نعطيه كثر ما عطاه القاضي عدو الله ، سير عطيني بتيساع نت وعائلتك عدفت النهار لي عرفتكم فيه و تزوجت بولدكم و بعدو مني هاااحجر العافية لا ما قيلوني عليكم..

_ انا هنا نابت و فينما مشيتي تابعك حتى تمشي معايا تسحبي الدعوة على خويا عاد يمكن ليك تتهناي مني و من عائلتي ...

_ أميمة : دعوة مسحباهاش و لي في جهدك ديرو

بعدات من طريقه غادية حتى كتجر من يديها بعنف كيغوت عليها ، هز يديه يضربها لكن حس بديك اليد رجعات ليه اللور ، ضار يعرف شكون شده حتى جاته روسية جابته مجبد حدى رجليهم ، تخلعات و هي كتشوف في عمران كيعيطيه في الدق و السبان من السمطة لتحت ما عطاش ليه الفرصة حتى فين يتنفس حكمو حتى برد فيه الغدايد عاد ناض من عليه ...

جرها من يديها بلا كلمة بلا زوج في اتجاه لوطو لي ركبها فيها ساد الباب بالجهد حتى قفزها ، ديك الساعة كسيرا لدار أميمة ، هذ الأخيرة لي مصدومة من اش دار عمران بغات تهضر و ما عرفات ما تقول بغات غير تعرف فين غادي بيها ، ملي شجعات رأسها تسوله شافته وقف طلات براسها كتبان ليها حومتها ، تنفسات بارتياح ملي شافته وصلها لفين ساكنة ، بغات تنزل حتى لاح ليها تيليفونه في حرجها ...

_ عمران : قيدي نمرتك

_ أميمة : هاا نمرتي لاش ا زعما علاش بيت نقيدها ...

خنزر فيها كيتسناها دير اش قال ، و حتى هي لبات ليه ما طلب و قيدات نمرتها ، عطاته ليه كتسناه يقول ليها نزلي ملي شافته ساكت سولاته هي ...