💕💕 قصة الشرف 💕💕 بالدارجة المغربية

😊 الفصل السابع 😊

#الشرف#

⚪دماء شرفي⚪

Soukaina soulaika

البارت 37

جسد مألم ، روح مدمرة ، قلب مكسور الام النفسي فاق الألم الجسدي بدرجات ....

غير بيه حسات خرج و الباب ما سمعاتوش ملي تسد ، بالفرحة ناضت بزربة ناسية فرجها لي كيعطيها الصداع حتى فيه تعگرات من الألم تاوهات ، عليها لبسات حوايجها ديال البارح ، لي قدامها لقاتهم ، من الدار خرجات بلاما تتلفت وراها ، طالبة غير السلاك و صافي ، ندمات و ما نفعاتها ندامة ،.....

كتبان ليها في هذ اللحظة غير الزنقة ، تفلت بروحها قبل لا يرجع ليها ، غادة وتالفة ما عرفة فين تمشي و لا فين تجي ، في مدينة عليها غريبة و لهجة صعيبة ، ما عرفة راسها من رجليها ، هاهي دابة على كلام واليديها رجعات ، اش غدي دير دابا ترجع ل دارهم ، اش تقول ليهم ياك هما فاش كانت خارجة ليها قالو كلمتهم الأخيرة

" الى فات حتى وقع شي مشكل ، بلاما عندنا ترجعي ، و ل راسك تحملي مسؤليتك "

هدشي لي غدي دير هي لي بغات كل هذا ل راسها ايوا تتحمل العواقب دابا و تشوف كي دير حتى تفك راسها منه ....

كتجر رجليها غير بزز الألم لي بيه كتحس ما عالم بيه غير الله ، صحتها على قد الحال ، كلها طايحة عليها ، عاد البلاصة فين كلات الدقة ، ظهرها عليها تقسم كون ما جمعات حوايجها البارح ، كانت غدي تبقى هكاك لا حوايج لا وراق الله كريم .... ،

بقات غير غادية بلا وجهة محددة حتى دازت من حدى واحد الجردة ، فيها جلسات ، كترجع كل ما ليها وقع في هذ ثلاثة ايام الماضية ، بقى فيها راسها لي مع شماتة ضيعاته و شرفها لي فيه تغتاصبات .....

#الشرف#

⚪دماء شرفي⚪

Soukaina soulaika

البارت 38

دارت إعادة التفكير للحادثة من اولها حتى ل اخرها رجعات كل تصرفاته معاها من اول مرة تلقات بيه حتى لدابا ، رجعات كلام وليديها كلشي رجعاته عاد هي من الگلبة فاقت و براسها عاقت كون غير لقات ترجع الزمن اللور و مع مها دور و في عينين باها حور الدار و وريدتها .....،

تفكريها مشى بيها لشتمه ليها و اتهامه على انها ماشي بنت ، مجرد و صل بيها التفكير ل هذ النقطة راسها ضرب فيه طنين قوي مصدومة من استناجها ل كلامه .....، خاطبات راسها بصوت مسموع كأنها كتحول تسمع ل راسها داك الكلام باش عقلها يستوعب

_ بهية : بلاتي بلاتي داب هو ضربني حيث " الكلام فيها تقطع مقدرتش تتقبل باش تاهمها " لا لا ميمكنش زعما شنو ، انا ماشي بنت لا ميمكنش ، كيفاش قدر فمه يخرج كلام بحال هذا يعني عمره فيا تاق ، انا بنت متأكدة اه انا بنت اصلا عمر شي حد قاصني ، ميمكنش ، اه اه هو لي منه المشكل ، هو لي مافيدوش الشما****ة لاخر مارضاش بشوهته و فيا بغى يلسقها حتى خلاني في راسي شاكة ، لكن ربي كبير و على ما جرى فيا غدي يعوضني ....