#الشرف#
⚪دماء شرفي⚪
Soukaina soulaika
البارت 49
على حالها غاديا سارحة ، فاس كاملها خيطاتها ، المغرب ودنات و العشاء قربات و هي فين تبات ، الى مات الاب توسد الركبة و الى ماتت الام توسد العتبة ، هي ما عندها لا ركبة و لا عتبة من غير الله هو لي يتوالها.......
بيهة ضيحة من ضحايا الطيش و المراهقة لي درناها عذر تافه باش نغطو على اغلاطنا ، البارح كانت وسط عائلتها تتوسد ركبة مها و تنعس على صدر باها اليوم هي يتمة الحين لا اب بقى و لا ام ، علامن تحط الرأس .... فين تمشي و فين تجي ، بنت صغيرة للعين عاطية لي شافها بغاها و دياب تتشهاها ....
جات تقطع الشانطي ، حتى كتلفت انتبابهها اللوطو ديال ايوب علاه تخفى عليها ، ياما ركبات فيها ، لا قبل الزواج و لابعده ، براسها محسات حتى ليه قصدات ... بداك الغل و الفقصة هزات يديها كي الحمقة كضرب في الزاجة و تغوت ربي لي خلقها .......
هو لي من بعد الشوهة لي دار ليها ، حلف فاس لا خواها ليها ، كان متأكد بلي غدي ترجع عند واليديها و لا من بعد لي وقع ل مصطفى تسيق الخبار و تبغي تزورهم ، شد بيت في اوتيل عليها عاس ، و حتى دابا كان غادي ل حومتهم يشمشم الخبار واش وصلات و لا مزال ......
ما عرف باش تبلى من الخبطة لي عطات بهية ل جاجة ديال اللوطو ، هاهي صاحبة دعوته حتى ل عنده جات ، مايحتاج هو عليها يقلب ..... نزل حتى هو ليها متوجه ، كي شافته عليه طارت تسب و ضرب عليه مغددة ، جمعات ليه كلشي .....
_ بهية: ا اش باقي كدير هنا ياحما*** ر مكفاتش شوهة لي درتي ليا في دربنا ، انا اليوم نندمك على النهار لي فيه تلاقيتي ب بهية ، اش دخل واليديا في الحساب لي وقع بيني و بينك خليه بيني و بينك ا الشما****تة
حتى هو مخلاش حقه ساكت و يضرب على جهده ، دقة فيا دقة فيك ، كلشي كيتفرج وقفو حركة السير ، كين لي بقات فيه و تقدم يفك بيناتهم لكن عليها متگرع طار عليها من يديها جارها معاه يديها بوز منها .....،
_ ايوب : ملي الضواسة مع واليديك خسرو ، انا نقاد ليك بلان يليق ب قح***بة بحالك اليوم نوريك شما*** و حيوان و حما*** اش يسواو ....
#الشرف#
⚪دماء شرفي⚪
Soukaina soulaika
البارت 50
من قبيلة و هي حاضية البلان ، كي شافتها ليه توجهات و عليه صرخات ، و بكلامها معاه سمعات ، فيها بقات ، مقدرتش تصبر و تشوفها في الدق كتاكل ، خصوصا فاش جارها معاه يديها بزز منها ، الانسانية فيها تحركات راها مرة بحالها و بيها حسات
تقدمات بخطوات سراع فاش شافته حل باب اللوطو ، محساتش براسها حتى جراتها من بين يديها ، منه مفلتاها ، هزات صبعها في وجه عليه كتغوت
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
