#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 313
ضرباتها الفيقة مع صباح يالله كي طلعات الشمس بدات تحرك في بلاصتها و حاسة براسها مدكدگة و عظامها مهرسين عليها .. بغات تحرك في بلاصتها ما لقات كي دير .. يديه ضايرين عليها و خاشيها فيه راسها عند عنقو و رجليها بين رجليه .. حس بيها كتحرك تقاد في نعسته جارها ليه كثر حال عين و ساد عين حنحن باش يسرح حلقه ...
_ يعقوب : (بصوت مبحوح بالنعاس) ششش مالك ..!؟
_ بهية : (كدور في عينها جوباته بصوت خافت) احمم والو بغيت غير نوض لبس حوايجي ...
_ يعقوب : (رجع غمض عينيه مكمل نعاسه) غير بقاي حتى تفيقي على خاطرك .. خاصك دوشي ، باقي الحال ..
داكشي لي دارت بقات كتبلقق في عينيها حتى نعسات ما حسات براسها حتى غرقات .. فاقت غير على قبلات شي حد في وجهها حلات عينيها كترمش فيه بإستغراب كتقلب في عينيها حتى توگدات مزياااان عاد ضحكات ليه ...
_ يعقوب : (بابتسامة يالله مدوش شعرو باقي فازك كيدوز يديه على حناكها برفق) صباح الخير .. كي صبحتي مزيانة ..!؟ نعستي مزيان...
_ بهية : (ردات ليه الابتسامة) صباح النور الحمد لله ، بلاتي نوض لبس حوايجي ...
_ يعقوب : (بتلاعب) و نوضي لبسي شكون شدك ..!؟
_ بهية : (كدور في عينيها في البيت لي ولا حالته بحوايجهم لي مليوحين في البيت كل بياسة فين مطوعة ، تأفأفات فاش شافت حوايجها لي بعاد عليها) و كي غدي نوض ندير شوف فين كينين حوايجي .. عرفتي شنو مد ليا بياسة ببياسة حتى لبسهم ...
_ يعقوب : (صغر فيها عينيه حتى شاف في حوايجها فين كينين و رجع شاف فيها) ياك الآلة .. علاه شكون ديك لي كانت تحتي لبارح توحوح و تغوت ااه !؟ شكون لي كانت عريانة و مخلات ما قالت .. لا اختي هدي لي قدامي دابا معجباتنيش ردي ليا ديك لي كانت البارح ..
_ بهية : (تزنگات من هضرته و باش تحيد الخجل دخلات معاه في الموضوع) ايوا ا سيدي هديك كتبان غير من ليل ليل في الصباح كتكون عيانة و تمشي تساراح و كتجي بلاصتها هدي هدشي لي عطى الله ما عندي ما ندير ليك ....
ضحك على هضرتها و خطفها في غفلة منها هازها لدوش خلاها مبلقة عينيها مصدومة .. حطها في بانيو لي كان عامر بالماء و بدا يمد ليها برودوياتها لي بقاو البارح .. عونها حتى سلات عاد لولها في البينوار مخرجها مخليها تلبس على خاطرها و خرج هو على برى ...
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
