💕💕 قصة الشرف 💕💕 بالدارجة المغربية

😊 الفصل 54😊

#الشرف

🥀منك و إليك انتمي 🥀

‏‏"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️

✍️ soukaina soulaika

البارت 281

الزواج هو ميثاق تراضٍ وترابط شرعي بين رجل وامرأة على وجه الدوام، الغاية منه هو الإحصان و العفاف و إنشاء أسرة مستقرّة برعاية الزوجين متقاسمين الصبر ، مشاركين المرة قبل الحلوة ، يحطو الراس على بعضياتهم يشاركو مشاكلهم و همومهم واحد يهز على الاخر باش ربي يبارك ليهم ...

خبر تقدم خطيب لبهية وصلات سعاد لي كتفكر واش بنتها تبغي ولا لا و غير تفكرات نهار لي هضرات ليها فيه على زواج غضبات ليهم و سفرات هي و بنتها ، خافت تجبد معاها الموضوع و تمشي ما ترجع ، قالت الحل لي عندها هو تسكت و تقول الحل بلي بهية موافقة و تحطها أمام أمر الواقع حتى لنهار لي يجيو فيه الناس و أكيد ديك الساعة معندها ما دير حيت ما غديش تبغي تحط عائلتها في شي موقف خايب قدام الناس ...

كلشي فراسه بهية موافقة على الزواج و عائلة العريس تافقو اليوم يجو باش يتعارفو بيناتهم ، وصال فراسها بلان يعقوب مع بهية و عرفات هو لي جاي يخطب و طمرات حتى هي المهم الخبار في راسهم إلا المعنية بالأمر لي باقية في دار غفلون ..

كلشي واجد لاستقبال عائلة الهاشمي و فرحانين لكن التوتر غالب على سعاد خايفة بنتها تعكس ولا دير شي حاجة .. حبسات اللوطو قدام الدار مسخسخة بالخدمة اليوم كانت في المحكمة و من المحكمة لبيرو بغات غير تنعس و ترتاح تسد عليها الباب و تسنط لعظامها ...

مع دخلة ديال الباب جراتها سعاد باش متسمع حتى كلمة ديريكت لبيتها مجلسها على الناموسية حاطة ليها قفطان خفيف في الشيبي و الفوطة مع مستلزمات الحمام ، زربات عليها بالهظرة ما فهمات والو ...

_ بهية : (باستغراب) ا ماما يهديك الله ، ويلي الشيطان مالك اش واقع و لاش حاطة ليا هادشي ، وا هضري مالك ساكتة و ماما اش واقع ...!؟

_ سعاد : يا بنيتي و شحال كترات فيك الهظرة اش واقع ما واقع والو ، غير شي ناس جاين عندنا من العائلة و نتي عارفة العائلة فيهم قوت التبجقين و تبرگيك ، نوضي الله يرضي عليك ضربيها بشي تدويشة حيدي عليك العيا ديال الخدمة و اجي لبسي ا بنتي هذ القفيطين و قادي حالتك ، نوضي الله يرضي عليك ..

نوضاتها بزز منها الدوش سادة عليها الباب حلفات ما تحل عليها حتى دوش و تكمل ، بقات تما عاسة عليها و دور في راسها تالفة ، غير خرجات من الدوش داتها ديريكت لبيت لقاتها موجدة ليها كلشي حتى من المكياج حطاه ليها هو و الشيشوار ، الاهم هو تلبس و متحشمهاش مع الناس ، واقفة ليها عند راسها لا هدي ما مقداش هدي ناقصة نقسي من العكر زيدي من الكحل ، السيدة تشطنات و شطنات معاها حتى بنتها ...