🥰 قصة بيان نصر 🥰 بالدارجة المغربية

🥰 الفصل الثامن 🥰

🌹بيان النصر🌹 بقلمي انا 😊شمس الغريب😊

البارت التاسع والخمسون

رابحة بحال ايلا صرفقها ملي عرفات رحيمة جات وهما لي كادبين عليها مقايلينش ليها بلي بيان خدامة فالمدينة وهي كيقول ليها التهامي بلي لبنات بغاوها تصيفط ليهم الفلوسوهي كتصيفط على اساس لبنت ختها رابحة خافت

رابحة(بغات تهنا منو هو بعدا)" هانتا ا منصور دبا غير يجي نقول ليه على فايزة نتا سير راه مكيحملك من نهار تعرضتي ليها وحصلك ولكن ملي قصدتي الباب راه ميرضكش وهي راه متمشيش مع خالتها غير تهنا

مشا منصور غير هز حمارو وزاد وقف التهامي هو والبهايم لي ولا هو للي كيسرحهم ربطهم وعينيه على منصور ليمشا

التهامي" رابحة ااا راااابحة(جات وقفات قدامو خنزر فيها حتى خلعها) اش كان كيدير داك المسلوق ديال ولد خوك هنا

رابحة" وجاب ليا خبار هاداك للي كتقول عليه مسلوق ومصخوط قاري همك وماباغي ليك فضيحة فالقبيلة

التهامي(كدوخو رابحة بهضرتها وكيلقا بلي باغا ليه مصلاحتو ضغيا كتسيسو)" مالو واش كاين ياك لاباس

رابحة" جا مسكين من الفيلاج حالتو ينهج غايموت ومعصب قاليا ضارب كاع مع بعضين سمعهوم كيهضرو عليك بالخايب بلي سمحتي فبنتك ولحتيها وفضلتي الفلوس عليها(شافت فيه لقاتو تعصب وداكشي لي بغات) اييوة وناض دقة فيه و عشرة فيهم حتى شتتهم

التهامي" تحممم حممم(عجبو الحال) وهادشي لاش بالسلامة علاش ناضو يعيرو تاني

رابحة" علاه ماشي رحيمة جات من المدينة هي وتريكتها راه شافهم بعينيه كيهبطو متاعهم

التهامي غير سمع كلامها مات وحيا شداتو الخلعة والبكية اش غيسبق واش غايوخر" كيييييفااا ااا ا كيفا شاش سايرة تقولي رحيمة كاينة هنا(جلس فوق الكرسي لي كان جالس فوقو منصور وكيضرب راسو)ااش غاندي راش غانقول

رابحة جات جلست قفازي حداه شدات جلايلو" شوف اتهامي انا عندي ليك راي وشوف واش يليق ليك(شاف فيها بنص عين) شو نتا كتعرف منصور شاري بنتك فايزة وباغيها ملي تجي رحيمة قوليها بلي الفلوس لي كانت كتصيفط ليهم هزوهم وجمعو حوايجهم وباتو ما صبحو ليلة السوق قوليها قلبتي عليهم الدنيا ومالقيتيهمش

التهامي" ايييه وفايزة للي كاينة فالدار اش ندير ليها

رابحة" فايزة ساهل حالها ندخلوها للكوري ونسدو عليها المطمورة حتى يمشيو وجيران راه حتى حد مكيحمل رحيمة مغيهضرها حتى واحد وزايدون انا نقوليهم بلي كدبنا عليها حيت كتهددنا باش تدي البنات ايوة اش قلتي

التهامي" ماعندي مانقول ومن زهرنا نيت راه ذهبية مكيناش جا داها شي حد من عائلتها تبقى معاه شي يامات