🌹بيان النصر 🌹 بقلمي انا 😍 شمس الغريب😍
البارت 312
فنفس المقهى كانو الدراري ولكن فاسفل المقهى كاين واحد لاصال ديال الالعاب كانو خالقينها مع بعضياتهم مقصرين لاعبين وشادين فبعضياتهم كلهم حاطين لي جاكيط ديالهم فالكراسي وهما بقاو بلي تيشورت فورمة تنسيك ففورمة وكاع البنات لي تما عينيهم عليهم كان كل من نصر الدين والاخ دياله صلاح الدين مع كل من حاتم وعيسى زيد اسر وانس
اسر" اش بان ليكم نطلعو الفوق ناخدو شي قهوة
نصر كيلبس جاكيط دياله" والله الى لقيتيني بغيت نقولها ليكم خاص نهضرو فواحد الموضوع
انس" ا بلاتي ا صااااحبي مااالكم زربانين كنخرجو نفوجو مرة العام تنكدوها علينا
عيسى جالس مفرشخ فواحد الفوتوي" والله ما كذبتي فهاد القضية كينكدوها علينا
حاتم مامسوقش ليهم بالمرة بغاو يطلعو غادي يطلع بغاو يبقاو هنا يبقى هو فالاصل ما كرهش يمشي بالمرة توحش يشوفها ويسمع هضوراتها لي ما كيتقاضاوش
نصر لبس جاكيط دياله" يالاه نوضو نوضو غادي نطلعو دبا
صلاح كان مقصر هو وانس" وا فرعتو لينا مخنا المرة جايا نجي غير مع انس انا ولا عيسى
عيسى" سير بعد مني باغي تشري ليا صداع
مني منك مني منك الاخير اكيد انتاصر نصر واسر وخلاوهم يطلعو بزز منهم للفوق لبسو لي جاكيط ديالهم وتمو طالعين وجميع البنات لي تما تبعوهم حتى هما طلعو الفوق تابعينهم اما لي معاها شي بوركابي وشي قندوح بقات عليه حتى طلعاتو الفوق اما لي تفكات منه راه تفكات وطلعات بوحدها تابعاهم الفوق عمر ولي سيرفور كيزيدو فلي طابل فالفوق اصلا كان عندهم مشاكل ديال الطابلات ودبا زاد عليهم الطلب نايضة وخلاص
نصر مخنزر" ما لقيتي فين تجيبنا ا صاحبي حتى نتوما دايرين راسكم ف صلاح
صلاح متعجب" والله ا صاحبي ما كايكون عامر بحال هاكا العجب
انس كيشوف فبنادم بلا حشمة" واااا علاش ا صاحبي كيشوفو فينا ياكما فينا شي حاجة مافراسناش
اسر معصب اكثر من نصر ماكتعجبوش هاد العمورية" كون غير بدلنا البلاصة ا صاحبي انا راه كيضرني هادشي فراسي
انس بقا كيضور فعينيه على الطوابل دازو عينيه على واحد الطبلة وعاود رجع عينيه لهاديك الطبلة بقا كيحقق فيها ويعاود يحقق حتى تاكد ونطق بتعجب خلاهم كلهم يشوفو فيه ويضورو للطبلة
انس" واااش ماشي دوك البنات لي تما كنعرفوهوم
🌹بيان النصر 🌹 بقلمي انا 😍 شمس الغريب😍
البارت 313
ضار صلاح متبع انس بانو ليه وهو يتصدم صدمووه اما انس شك فالاول حيت بيان هي لي كانت باينة مزيان هو ماكيعرفهاش اما لوخرين مابانوش ليه مزيان اما صلاح ملي ضار عرفهم ضغيا وملي نطق سمياتهم كملات
أنت تقرأ
🥰 قصة بيان نصر 🥰 بالدارجة المغربية
Chick-Litالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
