🥰 قصة بيان نصر 🥰 بالدارجة المغربية

😊 الفصل 98😍

🌹 بيان النصر 🌹 بقلمي انا 😍 شمس الغريب 😍

البارت 768

بيان فاقت حاسة براسها مكتفة بين يديه وهي وسط صدرو العريض حاولات تهز راسها خرجاته من صدره وبقات طالعة بعويناتها كان ناعس عاقدهم مغوبش ضحكات عليه وحاولات تنوض بلا ما تفيقو لكن ما ان بدات كتحاول حل عينيه كيشوف فيها

بصوت مبحوح ومدعدع" صباااح الحب

هزات فيه عينيها ورجعات تخبات فصدره" يااالاه كنتي ناعس

فكها من يديه كيتكسل" علاش نتي تخلي شي حد ينعس

ضورات عينيها فالبيت" فييين حنا

تقعد من بلاصته كيطرطق عظامه" فدااارنا (جرها لحضنه كيوزع قبلات على عنقها) اجي لهنا ااا القطة ماالك مفيقانا مع النبوري

زادت تمخششات فيه" ياااك قلتي ل خالتي غادي نمشيو غير للدار لي تما

كيبوس منغم هو كاع مامسوق ليها" باااش يصبحو عليا حيت هما ما عندهم ما يدار

كتهرب عنقها كل مرة كيبوس حتى جنناته وعضها" اااااي حراام عليك

مخنزر" وترصاااي ونتي كطيري

بيان بعدات شادة وجهه بين يديها" ورااه غادي يبغيو يجيبو الفطور

نصر تبت فيها الشوفة وهربات ملي قال" الناس كيجيبو الفطور لي دايرين علاش ونتي باقي ما خليتينا نديرو والو هاد الساعة

طارت بيان للدوش مطرقة عليها وهو عرفها ما غاديش تخرج هز شنو بغا من الدريسينغ وخرج من البيت لبيت اخر يدوش ويغير عليه مخليها هي مقابلة المراية وكتغسل وجهها لي ولا كله احمر طرفات حالتها عاد خرجات من الحمام مشات كتقلب شنو تلبس عضات على فمها وهي كتطرد الافكار لي فراسها لكن شي حاجة فيها كتقول ليها ديري ا بيان هو بقا محافظ عليك واخا درتو العقد دبا صافي العرس باش كنتي شاداه درتوها وكما بغيتي

دخلات للدريسينغ من بعد ما خدات كريم بنكهة الكراميل طلات جسمها كامل لي كان رطيطب بحال ديال لي بيبي هزات واحد شورط قصير يالاه هابط على مسعودة بسانتيم حريري بالاحمر والفوقي ديالو ميني فونطغ حتى هو نفس اللون وفيهم فريزات بالغوز بارد طلقات شعرها لي باقي مصايب زاد ترولا اكثر مع جمعاته فاش بغات تنعس فينما كانت شي مراية كتجاهلها لا تصدق مغيرة رايها دارت مرطب شفاه بنكهة الفريز رشات ورا ودنيها بريحة خفيفة كاراميل وعنقها بين صدرها وطارت خارجة من البيت كتسلت للكوزينة

غير دخلات بدات كتحضر الفطور متلفة بيه باش ما تزيدش تزير وهي كتقنع راسها بلي هادشي هو الصحيح شحال من قصة قرات ولا سمعات موضوعهم هذا راجلك كيبغيك تكوني مع كلشي شخص ومعاه هو شخص ثاني وخصوصا الى كان كيبغيك خاصك تخليه يزيد يبغيك ماشي تقولي راه كيبغيني صافي عمرو يخليني لاا اا حبيبتي يقدر يبقى يبغيك ولكن رااه يخووونك ااا زين حيت غادي يضعاف قدام سي السيد لي كيهرب العقل ويغيب مولاه