🌹 بيان النصر 🌹 بقلمي انا 😍 شمس الغريب 😍
البارت 900
دخل بديك القفة بحال الى هاز جدام دخل للكوزينة حط ديك القفة حتى بانت ليه زهيرو جاية كتميل يمين وشمال ومن وراها خارجة ياقوت كتسارا هاد الساعة عقلها كاين بلاصته
ياقوت" وليدي الحبيب نطيب ليك شي حاجة تاكلها
كانه خدا الملايير طار عليها معنقها" الحبيييبة ديااالي نتي نتي لي امري وقولي ليا شنو بغيتي نحضرو ليك دبا
زهيرو مبتاسمة منظرهم فرحها دبا الى بغات تجي الموت غير تجي" الله يخليكم ديما فرحانين يا ربي
ردو عليها بجوج" ااامين
دخلو للكوزينة وضربات ياقوت على القفة مشات ليها" شكوون جااب هااد القفة
جعفر بغا يشوف واش غادي تاثر ولا لا" صيفطاتها خالتك الحاجة ليلى مراة الحاج الروداني
غوتة تنوض الميت من قبره طلقاتها وتوجهات لديك القفة كتشتت فيها" لااااا لااااااا اااااااه ماااا تااكووولش من عندهاااا بغاااو يقتلووناا بغاااو يقتلووناا اا ولدي فيه السم اا ولدي السم(انهارت)
قرب منها شدها ونزل معاها للارض كيبوس راسها وهي كتبكي وهو كيبكي معاها بلا دموع قلبه لي كيبكي عليها وكيتوعد ل عائلة الروداني لي كيشرك معاهم غير النسب بالانتقام الشديد
زهيرو بخوف" اا وليدي وااش غادي نخليوها هكاا
فيقاته من سهوته هزها بين يديه" لا لا غادي نديها للطبيب صوني على العايدي اا مي زهيرو
زهيرو غاديا تجيب تيلي لي كان شرا ليها جعفر باش تبقا تعلمو باي حاجة وتعيط على العايدي الى بغاو شي صخرة" واخا واخا ااوليدي
العايدي جاب كاط كاط وقفها قدام الباب حطها اللور وركب حداها وزهيرو فالامام" خوويا جعفر وااش شاافوها
جعفر باقي كيطبطب عليها" لااا اا العايدي لا
زهيرو ضارت عنده وبتردد قالت" واااش اا ولدي غادي تديها للرياض
جعفر شاف فيها بابتسامة" خااصها ترجع غير صحتها وانا غادي نرجع ليها حقها ماا بغيتش نغامر بميمتي على قبل ناس ما كيستاهلو حتى السلام مني
🌹 بيان النصر 🌹 بقلمي انا 😍 شمس الغريب 😍
البارت 901
فوق أمواج البحر الهادئة كان يخث كله مزوق بزينة بين الابيض والغوز بيبي وفكل قنت كنلقاو الورود المنوعة والمشكلة فالطلعة ديال اليخث كانت واقفة جميلة(بتكشيطة عصرية فالاسود لامع بسبب الاحجار) ورشيد(مهرس ليها داك السواد بشوميز كلاص مع سروال فالابيض) مع عاطف(شوميز شيبية مع سروال رمادي) وثورية(بتكشيطة منمرة) فالباب فاستقبال الضيوف لي كانو قلال غير اقرب المقربين من الاصدقاء وبعض افراد العائلة كلشي جاي بتكاشط وبكوستيمات وكوسطارات كلشي جاي يطلق جماله
أنت تقرأ
🥰 قصة بيان نصر 🥰 بالدارجة المغربية
Romanzi rosa / ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
