🥰 قصة بيان نصر 🥰 بالدارجة المغربية

😊 الفصل 81 😍

🌹 بيان النصر 🌹 بقلمي انا 😍 شمس الغريب 😍

البارت 626

من الحضن دياله بعدات قالبة الموضوع شافت فيه وقالت" مااا غااديش نمشيو

حاتم رجع اللور متكي راسه" اممم لااا غادي نباتو هنا

فائزة طرطقات عينيها" ككك كييكيفاااش غاادي نباتو هنا

ابتاسم بجنب فمه" هي غادي نباتو هنا

فائزة بطلب" لاااا لاا عفااااك وااش حماااقيتي بغيتي خالتي وبيان يقددوني

حاتم" عند بالهم نتي باقي عند هاجر ما عندهم منين يعرفو الى ما داك اللسان بلزها

فائزة" والى سولو هاجر

حاتم بشر" هاااجااااار فرااااسها غير جلسي للارض

فائزة قلبات عينيها وكمكمات" دبا والى ما قدرتش نصبر عليه ولا يصبر عليا ودرنا داكشي استغفر الله العظيييم(ضارت عنه) لااا لااا ااا خووويا نوووض نمشيو

حاتم قرصها من فخضها حتى غوتات بصوت رقيق" ااااااي

حاتم مخنزر" منييين جاااتني خوووك

فائزة بلا ما تحس قالت" نووووض ااا سيدي ديني انت الى قادر تحكم فراسك مزيان اييوة الى ما قدرتش انا وانا عارفة راسي نقدر ندير شي مصيبة ونصدقو فيما لا يحمد عقبااااه

حاتم عيا يحبس الضحكة وهو يطلقها" اييوة الى درناها نوضو نديرو ما يحمد عقباه ونتزوجو بسرعة لا تصدقي حاملة قبل من الخطبة ماشي حتى العرس

فائزة زمات فمها وناضت من تما كلها حمرة منظرها كان شكل ثاني شكل جديد على حاتم ماشي جديد انما مدة طويلة ماا شافش فائزة الحشومية لي كتعتاليها حمرة الخجل تبعها بسرعة رجعها حتى ضربات فصدرو وهز ليها راسها بسرعة باغي يشوف رزقو

حاتم لي من ديما هو مول العقل هرب ليه العقل اليوم فائزة الخجوولة لي ماشي ديما غادي يشوفها يعني خاص يشبع عينيه لانه علم الله متى يشوفها حشمانة عام عامين ثلاثة بلا ما يحس بدا كيهبط بشوية مقرب وهي كتثنى مبعدة حاكمها غير هو بيديه لي تحت ظهرها ولات محنية على ظهرها وهو تابعها حتى ولاو كيطراو الاحتكاكات فمناطق محضورة

وقفها بزز عليها قبل لا يصدقو فشي مصيبة وجرها بجهد حاط فمو على جبينها بقوة كيعصر البوسة مبرد فيها الهوايش وجنون لي نوضات عليه وفيه قبل ما يتوجه للبيت يضربها بتدويشة قال وهو عاطيها بالظهر

حاتم" وجدي راااسك غاادي نمشيو

فائزة رجع فيها لونها الطبيعي" علااااش ماا بقييناش غااادي نباتو

حاتم ما باغيش يضور يشوف فيها" لا بصح عندك الحق مامزيانش نبقاو بجوج حاليا

🌹 بيان النصر 🌹 بقلمي انا 😍 شمس الغريب 😍