🌹 بيان النصر 🌹 بقلمي انا 😍 شمس الغريب 😍
البارت 577
خدمتها عالي العال وحياتها حتى هي غاديا مزيان معاه مشروعها زاد كبر وولات معروفة فالسوق ولاو عندها عدة محلات ودارت شراكة مع بزاف ديال الشركات الماركة ديالها ولات مشهورة ومعروفة ماركة افرشة واثاث "باهية" لا ماشي ديال الماء ديال الاثاث سميتها ولات معروفة ومشهورة وسط السوق داخل وخارج المغرب هاهي خارجة من احد المحلات ديالها باناقة ورشاقة كيف ديما كسيوة مفرفرة بالاصفر بارد مع دي صوندال عاليين بالشيبي مع صاك كبير صيفي بنفس لون لي صوندال مع اكسيسوارات بين اللونين نيت لي لابسة والنظارات فوق شعرها المتموج لي تجمع بالنظاظر وصلات للطموبيل يالاه بغات تحل الباب وهي تسده شي يد من اللور ضارت عنده مفزوعة لقاته هو لي من وراها
باهية بابتسامة" وااااش اااا سيدي ا صلااااح بااغي تسكت ليا القلب ولاا شنو همممم
صلاح" ااااح على النعمة قدامي وانا صايم
باهية متعجبة" واااش حماااقيتي ولا شنو هاااه غيير قولي ليا واااش حمااقيتي
صلاح" تقريبا دااااك المصيييبة ديال نصر كوون غير طلقنا للراجة وتزوج خلاص يخوي ليا الساحة
باهية كطنز عليه" وشكوووون العرووسة
صلاح بالزربة خطف قبلة من فمها وبعد" الى قبلتي عليا ا الحبيبة اجي بدلي ليا الديكور ديال الصالون الله يرضي عليك بان ليا عندك واحد الفوتوي مريح تما ديال الماتشات
باهية هزات يديها وخبطات بيها صدره" سكووووت ااا المصيبة واش ما كتحشمش
صلاح قرب حتى حط جبهته على جبهتها وبدا كيدور راسه" المااااتشاااااات دياااال الكرة الكووورة ااا المنحرفة دياااالي
باهية هربات مشات طلعات بلاصتها باغيا تهرب منه لكن دار ليها اشارة باش تهبط الزاج
صلاح" تبعيني ااا زين تبعيني
🌹 بيان النصر 🌹 بقلمي انا 😍 شمس الغريب 😍
البارت 578
بلبسة تركية مكونة من صايا فالبيج فوقها قميجة طويلة حتى الركبة بالاخضر ملكي مضرقة مفاتينها لي غير ما زادو بانو ولات ناضجة بكل ما تحمل الكلمة من معنى صباط بالبيج مع زيف هابط على صدرها ديال المحجبات فالبيج حتى زغبة ما كتبان صاك اسود فيديها واليد الاخرى قابطة فيها يد لالة بشرى وكيضورو من محل لمحل وسط مول كبير فالمدينة
بشرى" ايييوة شفتي اش قلت ليك كون جبناهم معانا كون شقلبو لينا مخنا
مريم بابتسامة مزينة شفايفها" والله الى اا مي بشرى ما غاديش يبغيو يتمشاو بعقلهم بحال الناس
بشرى كتقلب ف بيجامات ديال الدراري قدهم" شووفي قلتي البيجامات ولاو يجيوهم قافزين ديال الصيف
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
