🥰 قصة بيان نصر 🥰 بالدارجة المغربية

😊 الفصل 105😍

🌹 بيان النصر 🌹 بقلمي انا 😍 شمس الغريب 😍

البارت 822

راقب الوضع ديالها هو بنفسه وقرر يعطيها شريبة واخا غير شوية ما قدرش يرفض ليها الطلب مع سالات هبط كيقبل عيونها حنيكاتها يديها وهي غير مبتاسمة وهز راسه فيها

سليم بابتسامة وتعجب" شفتك كاعما سولتي على ولدنا

هزات يديها بتثاقل كتحس براسها عاجزة" عرفتك عتقتيه وعتقتيني حتى انا انت بقيتي متمسك بيا (عينيها غرغرو)

قرب طبع قبل جنب فمها" ماااا نقدرش نعيش بلا بيك وما نقدرش ما نفدش اي طلب منك اا حبيبة

هزات فيه عينيها بلمعة خاصة كتحسس كريشتها" هو بخير

مبتاسم ليها" كيييفاااااش نتي كتقولي وليد باش عرفتيه

هاجر كتلعب فشعر سليم" واااش طليتي عليه واااش هو بخير

ميل راسه مستمتع بمداعبتها ليه" دبااا انا فين ونتي فين ولدك اا حبيبة هاا هو فكريشتك بالحق غادي يخصك تبعي تعليمات الطبيب باش يبقا قابط بلاصته

بترجي" وااا جييب شي اباااراي باش نطمن على ولدي عاافااااك ااا سلييم

وقف وهبط قبل جبينها" نتي تامري ااا حبييبتي

هزات فيه عينيها" سااالييييم فيااااا جووووع

تبسم ليها" انا غادي نخليهم يجيبو ليك شي حاجة خفيفة من بعد ما نسول الطبيبة ديالك هي والطبيب لي كان معانا فالعملية ونخلي ماماك دخل عندك ومن بعد نجيب لي ماشين هنا نشوفو ولدنا

حركات ليه راسها" حتى انت كتقول ولدنا ماشي غير انا (تحسسات كريشتها) عندي وليد ربي علمني

غمزها" حتى انا ولكن بيناتنا اا حبيبة ما تقوليها ل حتى واحد

خرج وخلاها من بعد ما راقب كلشي بانت ليه بلي مزيانة خاص غير ترجع راحتها وحيويتها بشوية بشوية مع بان ليهم وقفو مستفين ملي دخلات هاجر وهو معاها من غرفة العمليات للانعاش ودبا معاها فغرفة عادية يالاه غادي يشوفوه حتى هو

رحيمة شدات ليه فالتيشورت" فييين بنتي اااا سلييم بغيييت نشووف بنتي

هبط قبل ليها راسها كاحترام ليها" دخلي ااا خالتي رحيمة (ابتاسم فرحان) راااه فاااقت اا خالتي

رحيمة خلاته تما وطارت داخلة كتجري وهو حاس براسه غادي يطيح على وقفته بقا وااقف كيشوف فيهم حتى جات رشيدة كتعرج

رشيدة مغبنة" وليدي سليييم ولييدي

سليم زاد مخليها بحال الى ما هضرات صدقات طايحة على وقفتها بحال الورقة غير كتشوف واش هاد المكتوب طاح عليها اما سامية خرجات بلا ما يرد ليها البال شي حد ماماه وما عقلش عليها ولكن راه بسبابهم هما سبابها حتى وصلات لهادشي