🥰 قصة بيان نصر 🥰 بالدارجة المغربية

🥰 الفصل 27 🥰

🌹بيان النصر🌹 بقلمي انا 😍شمس الغريب😍

البارت التاسع والسبعون بعد المئة

البوليس ملي وصلو توجهو ليهم فارقوهم بمشقة الانفس بحكم عندهم تعليمات باش ما يقربو ل حتى وحدة ليلى اصلا كلات طريحة اما فائزة ناضت بحال شي لبؤة تقول قمشة ولا ضربة فيها قادات شعرها وتنترات من يدين البوليسي جمعات دفترها وهاتفها وزادت معاه وهو عاطيها بالتساع مشات طلعات كون ما البوليسي لي كيشدها كون عاود ريشاتها قدام البوليس السيدة عارفة راسها غادا تخرج غادا تخرج اما ليلى لي كانت حالتها الفولار غير لاحتو عليها وحدة من العيالات لي كانو تما وجهها كله كدمات وشعرها كامل منتوف عاد كتالم بشدة فائزة اصغر منها بالحق صحيحة عليها عاد زيد راه كانت كدير الاعمال الشاقة فالبلاد وصلوهم الكوميسارية لي محسوبة عليها البلاصة لي ضاربو ماشي فين كيخدم حاتم وصلوهم لعند لواحد المكتب ودخلوهم كان فيه راجل كبير شوية فالسن بالحق مازال شاد مزياااااان فراسو

الشاف شاف ليلى ما لقا مايشوف فيها اما فائزة باقا كما هي" هاي هااااي هاي مالكم تلاقاو ليكم الشفارة

فائزة ما خلاتهاش تهضر" لااا ا شاف انا لي ضربتها

الشاف مصدوم منها" وكاتقووووليها بوجهك احمر

فائزة بصمود حالفة لا بكات باش ما تفرحهاش حتى شوية واخا هي غادي تموت بالخلعة" ا شااااف واااش لي تعاير ليك عائلتك بالخايب وتنعت ليك فختك وتقول عليها كلام خايب غادي تقبل

الشاف غوت عليها" كااااااين القانون ا لااااااالة ما راحناش فالغابة لي عايرو شي واحد ينوض يخلي ضار بوه

فائزة" سمح ليا ا شاف فديك اللحظة ماكانش حدايا القانون كانت غير هي قدامي كتسب فيا وف عائلتي بابتسامتها الخجولة (ضارت شافت فيها لقاتها كتبوحط) ماااا يغوووركش هاد الوجه البريء من وراه شيطاااان سمعتي شيطان

الشاف قلب عينيه على فائزة لي بانت ليه كتهضر بحرقة وشاف فيها" اييييوة ونتي اش كتقولي هادشي

ليلى كتبكي وتنخصص" هانتا كتشوف حالتي كتهضر عليا ا شاف عاد هي راه معتاااارفة اصلا

الشاف" ولكن كتقول بلي سبيتيها وما خليتي فيها غير لي نسيتي

ليلى البكا وتخراج العينين" كدووووب ا سيدي هي كتغير مني حيت انا غادي نتزوج بولد خالتها راه هو كوميسير ا شااف

الشاف" اهاااااه عائلة ديال الكوميسير هي لي دايرة هاد الفضيحة كاملة

فائزة خرجات فيه عينيها الزورق" اناااا ما درت حتى شي فضيحة ولا نتوما غير لي بكا عليكم هو باش كتيقو

الشاف بالغوات" العربي واااا العربي(دخل بوليسي) هبط عليا هاد المشة(فائزة) لتحت تبرد شوية بانت ليا شاعلة (شير ل ليلى) وهادي هبطها لتحت حتى نعيطو على مول هاد الحريرة يجي يفكها(شاف فيهم) شكون هاد الكوميسير لي تسلطتو عليه