🌹بيان النصر🌹 بقلمي انا 😍شمس الغريب😍
البارت الثامن والاربعون بعد المئة
بيان بقات مصمرة غير شافت البنات غادي يضورو يطلو عليها حيت كانو كيطلو على خوهم لانه الغرفة جات جات الجهة الخلفية وهي دير موتة حمار رجعات غيبات وهي حنيكاتها فاضحينها كانو حمرين من شدة الخجل
يسرى جات كتجري" ويلي بيان حمااارت المصيبة عنداك تكون طلعات ليها السخانة
يمنى جات حداها حطات يديها على راس بيان" اري يااااري هداك الميزان نعبرو ليها الحرارة سربي
يسرى" ها هو يالاه سربي عبري الى لقاها طلعات ليها الحرارة غادي يطلع معانا سفااافد
يمنى" اوووووووف الحمد لله ماعرفتش علاش حمرة هاكا الحرارة نورمال
هما هكاك تفتح عليهم الباب ودخل هاكاك صدرو منفوخ كيطلع ويهبط بالاعصاب وجهه مزنك تقولي ليه السلام يخلي عشتك
نصر" بغيتو تمشيو معايا يالاه بغيتو تبقاو هنا حتى للعشية يجي من وراكم الشيفور(شاف ف يسرى) اري شي ايزار ولا شي حاجة
اما لتحت كانت ريحانة جايبة امها لي مسندة عليها ورشيد تابعها جاهل جميلة لي بقات حتى شرحات ل صلاح شنو واقع هاد السيد بحال ميت العصر ما يدي خبار ما يجيب اخبار دخل كلشي لداخل خديجة كانت غادي طلع البيتها حتى وقفها رشيد بصوت لي زعزع كاع لي كاين تما
رشيد" فيييييين غاديا ا لالة بلا مبررات رجعي قبل ما ندير فيك شي جريمة
خديجة رجعات خرجات فيهم عينيها بحال الى هي لي مظلومة" اااانااا قلت ليكم من نهار شفتها هاااااديك البنت ما بقيتش بغيت نشووووفها سمعتووو نتوووما لي كديرو لي فراااسكم
رشيد بالغوات حتى تكمشات مخشية فعظامها" وااااااش نتي مريضة نفسية ولا شنو نتي راهب صح خصك مصحة عقلية بنتي ليا مخصوصة فعقلك وبزاااااف سمعتي واااش سمعتي
ريحانة بنظرات متوسلة" خالي الله يخليك من بعد انا غادي نتاكد بلي شربات دواها ونجي
رشيد" ريحاااااانة خليك بعيدة على هاد الموضوع الله يخليك مابغيتش نغلط فيك ماماك زادت فيه
خديجة جات هزات صبعها فوجه خوها" شووووف ما حدي هنا ما بغيييتش نشوف وجهها ولا ما تلومنيش على اش نقدر ندير
هاد الجملة ماجات غير فودنيه هو لي كان نازل هازها بين يديه بحال شي ريشة كانه هاز بنتو بين يديه مزال منفوخ بالاعصاب كلو عرقان حوايجو لاسقين عليه لاويها ف ايزار خفيف هي لي مكمشة فيه بحال البنية غير سمعات كلامها زيرات ليه على التيشورت وغمضات عينيها مزيرة عليهم كون كان مسالي ليها مغاديش دوز عليه بلي هي فايقة ولكن دبا هو معصب مزيااان
أنت تقرأ
🥰 قصة بيان نصر 🥰 بالدارجة المغربية
Chick-Litالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
