🥰 قصة بيان نصر 🥰 بالدارجة المغربية

😍 الفصل 66 😊

🌹 بيان النصر 🌹 بقلمي انا 😍 شمس الغريب 😍

البارت 497

هابطة فالدروج بحال الزواق شافوها البنات ناضو كيجريو وعاطف لقاته واقف غير قربات منه جرها خشاها فالحضن دياله معنقها

عاطف" تهدني ا بنتي تهدني مااالكي هابطة هاكا كون طحتي فالدروج

بيان كتبكي وتنحط" بغييييت نمووووووت انااااا بغيييت نمشي من هنا

جميلة جات كتجري جراتها عندها" اويلي اويلي فين خليتوها ياك قلتو ناعسة غير فالبيت وخليتوها ترتاح

ريحانة غير سمعات بلي كانت الفوق وماشي هادي هي اللبسة باش جات كشكشات وناضت ليها" وااااش نتي بنااااادمة ولا شنو كيفااااش ا الحماااارة باغياه يتفكرك بالسيف عليه ولا شنو

بغات تقرب منها جرها رشيد مبعدها عليها لور ما فهمش مالهم بيان بين عاطف وجميلة مخشية غير كتبكي كاع ماداتها ف ريحانة لي غادي تبخ الدم

ريحانة كتغوت" السيد نساااااك كون كان فيك الخير كااع ما يفقد الذاكرة وينسااك دباااا هواا غاااادي يبدا حياته معايا سيري بداي حتى نتي حياتك ونساينا علييييك

رشيد نهض فيها" جمعي راااسك ا ريحانة ما تنسايش راه داري هادي وبيان بنتنا غير باش ديري فبالك

ما رضاتش وخنزرات فيهم كاملين متاجهة للدروج وكتغوت" صاااافي ضغيا قلبتو وجهكم وانا كنقول نتوووما لي كنتو ما باغيينيش على هاد الحساب ماشي هو ودبا هاااا انا خديتو وا موووتووو

كلشي تصدم من ردة فعلها طلعات كتجري كتنفخ وتفش وسمها كيطلع ويهبط فيها بوحدها غادي تنفاجر غير هي وجنونها والهدف بيت نصر مخليهم هما لتحت مضاربين

جميلة" لاااااا مااالي انا حمقة نصيفطك لعند خالتك بهاد الحالة

عاطف بامتناع" لاااا لا ممنوع غادي تبقا هنا ماشي حالة هادي

بيان كتنخصص" لا غير خليوني نمشي هءههءهءه عفاااكم هءهء ا خالتي جميلة

عاطف" انا غادي نحلف والله لا مشيتي يا هنا يا عندي وحدة من جوج

شداتها جميلة مطلعاها للبيت ديال الضيافة نيشان والبنات تابعينهم خايفيين على بيان والحالة لي وصلات مخليين رشيد ناوي على خزيت كان باغي يطلع ل نصر ومن تما ل ريحانة كون ما وقفو عاطف وخرجو يبرد فجردة اما بيان وصلوها للبيت وقالت للبنات يجيبو ليها شي بيجامة بيتية ديال النوم باش تنعس جابتها يسرى بجرية بيجامة حرير بالرمادي بحال المرءاة سروال وفوقاني ديالو بالصدايف بغات تلبسها هي غير بيان حشمات ومشات للدوش لبساتها وغسلات وجهها كانت محتاجة تنعس

طلعات ليها فاطمة بلاطو فيه شوربة ديال السمك مع طريفات ديال الخبز كاس ديال العصير وواحد ديال الحليب مع فواكه متعددة ومتنوعة مقطعة وفوق منهم صوص شوكولا حطاتهم جنب وسلمات على بيان لي تبسمات فوجهها واخا فوق طاقتها وقفو عليها عند راسها حتى كملات كلشي خلاو غير الحليب عطاتها جميلة واحد المهدئ شربات الحليب ونعساتها غطاتها وخلاوها ترتاح عاد مشات جميلة عيطات على رحيمة وطلبات منها الاذن باش تبات بيان حيت موانسة هي والبنات رحيمة ما رفضاتش حيت حاسة بيها